Zaburi 37:34 - Digo Bible

³⁴ Mgodze Mwenyezi Mlungu na ugbwire njiraze, naye andakuunula na akuhende umiliki tsi, nawe undashuhudiya atu ayi achiangamizwa.

Zaburi 37:34 ပူးပေါင်းရင်းမြစ်များ

Ayubu 17:9

Ela wa haki andagbwira njiraye, na ye wa mikono swafi andazidi kuphaha nguvu.

Zaburi 112:8

Moyowe u imara, kandaogopha hadi aone gara aazirago maaduige gakatimiya.

Zaburi 112:9

Anaganya vituvye moyo kutsuka kuganyira achiya, hakiye inadumu hata kare na kare, andakala na nguvu nyinji na ishima.

Zaburi 25:13

Iye andaongokerwa na tsi indakala urisi wa anae.

Zaburi 27:14

Mkuluphire Mwenyezi Mlungu. Dina chilume, wala usivundzike moyo. Mkuluphire Mwenyezi Mlungu!

Zaburi 37:3

Mkuluphire Mwenyezi Mlungu na uhende manono, ili uishi salama kpwenye yo tsi na uongokerwe.

Zaburi 37:7

Hurira mbere za Mwenyezi Mlungu, mgodze na uvumirire, usibabaishwe ni iye ambaye njiraze zinaongokerwa, wakati anahenda mipangoye mii.

Zaburi 37:9

Mana atu ahendao mai andaangamizwa, ela anaomkuluphira Mwenyezi Mlungu andarisi tsi.

Zaburi 91:8

Undaona na matsogo mwenye vira atu ayi ndivyotiywa adabu.

Zaburi 92:12

Enye haki andapwipwita dza mitende, na kukula dza mierezi ya Lebanoni.

Misemo 16:17

Njira ya mwenye haki nikudzitenga na mai, arindaye njiraye anarinda maishage.

Misemo 20:22

Usiambe, “Nindariphiza uyi nchiohenderwa.” Mrichire Mwenyezi Mlungu naye andakuterya.

Misemo 29:16

Atu ayi achitawala dambi nkuenjerezeka, ela enye haki andashuhudiya kuangamizwa kpwao.

Isaya 57:13

Ndiphorira, vyo vizuka urivyovikusanya navikutivye, phepho rindaviphepherusa, pumuzi chache indaviusa. Ela mutu anikuluphiraye andarisi tsi na mwango Mtakatifu undakala wakpwe.”

Mathayo 24:13

Ela ndiyevumirira hadi mwisho ndiye ndiyeokolwa.

Luka 14:11

Mana mutu yeyesi ndiyedzihenda muhimu, andatserezwa, na ndiyedzitsereza, andahendwa muhimu.”

Kumbukumbu 5:33

Mundalunga njira yosi ambayo Mwenyezi Mlungu, Mlungu wenu, anakuamuruni kulunga kusudi mkale moyo, muongokerwe na mphahe kusagala muda mure kpwenye tsi ndiyoimiliki.”

1 Petero 1:7

Hipha sambi munagaya, ili kuluphiro renu ripimwe na kuonekana kukala ri sawa, dza viratu zahabu ipimwavyo kpwa kuhendaochwa na moho. Kumkuluphira Mlungu kuna mana zaidi kuriko zahabu, mana zahabu indabanangika. Kpwa hivyo Jesu Masihi andaapha nguma na ishima atue avumirirao hipho ndiphokpwedzadzionyesa wazi.

1 Petero 5:6

Kpwa hivyo kalani atu apole anaodzitsereza tsini ya uwezo wa Mlungu naye andakuunulani wakatiwe uchifika.