Zaburi 33:3 - Digo Bible

³ Muimbireni wira muphya, pigani chinubi kuchimanya na mpige njerejere.

Zaburi 33:3 ပူးပေါင်းရင်းမြစ်များ

1 Nyakati 13:8

Daudi na Aiziraeli osi afwiha mbere za Mlungu, kpwa mkpwotse wao wosi; kuno anavwina mawira, zeze, ngephephe, tamburini, matoazi na tarumbeta.

1 Nyakati 15:22

Kenenia, chilongozi wa uimbadzi kahi za Alawi, kala ni chilongozi wa uimbadzi mana kala ana ujuzi wa uimbadzi.

1 Nyakati 25:7

Osi phamwenga na ndugu zao afundzwa kumuimbira Mwenyezi Mlungu, na achikala na ujuzi, nao isabu yao kala ni atu magana mairi mirongo minane na nane.

2 Nyakati 34:12

Atu hinyo ahenda kazi iyo kpwa uaminifu. Aimirizi aho kala ni Jahathi na Obadiya, Alawi a nyumba ya Merari na Zakariya na Meshulamu, Alawi a nyumba ya Kohathi, ili ahimize kazi. Alawi anjina osi, ambao kala ni ajuzi a kupiga vinanda,

Zaburi 144:9

Ndakuimbira wira muphya ee Mwenyezi Mlungu, ndawiimba kuno napiga ngephephe.

Zaburi 149:1

Haleluya. Mwenyezi Mlungu naatogolwe! Muimbireni Mwenyezi Mlungu wira muphya, wa kumtogola kahi za mkpwutano wa atu aaminifu.

Zaburi 40:3

Wanipha wira muphya mwangu kanwani, wira wa kumtogola Mlungu wehu. Anji andaona mahendoge na kuogopha, na kumkuluphira Mwenyezi Mlungu.

Zaburi 40:4

Baha mutu anayemkuluphira Mwenyezi Mlungu; mutu asiyelonda msada kpwa atu a kudzikarya atu agalukao na kuabudu vizuka!

Zaburi 96:1

Muimbireni Mwenyezi Mlungu wira muphya! Muimbireni Mwenyezi Mlungu dunia yosi!

Zaburi 98:1

Muimbireni Mwenyezi Mlungu wira muphya mana akahenda mambo ga ajabu! Mkpwonowe wa kulume na mkpwonowe mtakatifu, akaphaha ushindi.

Isaya 42:10

Muimbireni Mwenyezi Mlungu wira muphya, mtogoleni kpwa mawira duniani kosi. Mtogoleni kpwa mawira mwimwi muphiyao baharini. Mtogoleni mwimwi viumbe vyosi vya bahari, visuwa na osi asagalao mumo.

Aefeso 5:19

Imbiranani Zaburi na mawira ganjina ga kumtogola Mlungu. Muimbireni Bwana Jesu mioyo kutsuka.

Akolosai 3:16

Ririkanani kuhusu habari za Jesu ili zitawale maisha genu. Fundzanani na mkanyane kpwa marifwa manji. Imbani zaburi na mawira ga chiroho kumtogola Mlungu. Tsona mshukuruni mioyo kutsuka.

Maono 14:3

Aho atu laki mwenga elufu mirongo mine na ne kala aimire mbere za chihi cha chifalume, na mbere za viratu viumbe vine vyokala moyo na aratu azehe. Kala anaimba wira muphya, na taphana mutu wanjina yeweza kudzifundza wira hinyo isiphokala aratu atu ariokombolwa kula duniani.

Maono 5:9

Hivyo amuimbira wira muphya ye Mwana ngʼondzi okala unaamba: “Uwe unafwaha kuchihala hicho chitabu na kugandula ukakawe. Mana uwe watsindzwa na uchimgurira Mlungu atu a tsi zosi na chila kabila dunia ndzima na mlatsoo.