Zaburi 31:2 - Digo Bible

² Hega sikiro uniphundze, henda wangbwi unitivye, kala mwamba wangu wa kuchimbirira, ngome ya kudina ya kuniokola.

Zaburi 31:2 ပူးပေါင်းရင်းမြစ်များ

2 Samueli 22:3

Mlungu ni mwamba wangu, iye ndiye chimbiriro rangu ngao yangu, na nguvu ya wokofu wangu. Iye ndiye ngome yangu, na chimbiriro rangu, muokoli wangu, anitivyaye na atu a fujo.

Ayubu 7:21

Kpwa utu wani kuswamehe uasi wangu na kuusa uyi wangu? Mana muda mchache wedzao ndalala na kogo, na uchiniendza, kundaniona.”

Zaburi 102:2

Usinilozere kogo siku ndiphokala ninagaya sikiroro na riniphundze, nijibu mara mwenga siku nikuvoyapho!

Zaburi 130:2

Mwenyezi Mlungu phundza sauti yangu! Masikirogo nagasikize vinono mavoyo gangu!

Zaburi 143:7

Henda wangbwi unijibu ee Mwenyezi Mlungu, mana nkavundzika moyo! Usinilozere kogo, sedze nikakala dza atsererao kuzimu.

Zaburi 25:2

Nakukuluphira uwe, ee Mlungu wangu usiniriche nkagbwirwa ni waibu, usiriche maadui gangu gakahererwa kpwa sababu nkashindwa.

Zaburi 40:17

Mino ni mchiya na mgbwayi, ela Mwenyezi Mlungu ananiririkana. Uwe ndiwe uniteryaye na uniokolaye usikae, ee Mlungu wangu.

Zaburi 62:7

Wokofu wangu na ishima yangu vila kpwa Mlungu. Mlungu ndiye mwamba wangu wa nguvu na chimbiriro rangu.

Zaburi 69:17

Usimfwitse usoo mtumishio, naona tabu, hala-hala unijibu.

Zaburi 7:2

sedze akanimwamula dza simba ahendavyo, na akaniguruta, bila ya mutu kunitivya.

Zaburi 79:1

Ee Mlungu, atu a mataifa ganjina akavamia tsiiyo, akatiya najisi nyumbayo takatifu ya kuvoya Mlungu, Jerusalemu akaihenda ikale gandzo.

Zaburi 86:1

Niphundza, ee Mwenyezi Mlungu na unijibu, mana ni mchiya na mgbwayi.

Zaburi 90:1

Mwenyezi Mlungu, ukakala makalo gehu chivyazi hadi chivyazi.

Zaburi 91:9

Kpwa kukala ukamuhenda Mwenyezi Mlungu, chimbiriroro, na Iye Ariye Dzulu Kuriko Vyosi, makalogo,

Zaburi 94:22

Ela Mwenyezi Mlungu akakala ngome yangu, na Mlungu wangu akakala mwamba wangu wa kuchimbirira.

Misemo 22:17

Hega sikiro uphundze maneno ga ikima na moyoo ugbwire marifwa gangu.

Isaya 33:16

ndio ambao andasagala dzulu, phatu pharipho salama, na chimbiriro rao rindakala ngome iriyo mwambani. Andakala na chakurya na madzi ga kutosha wakati wosi.

Luka 18:8

Nakuhakikishirani, andaahendera haki, tsona upesi. Ela dze, mino Mutu Yela Mlunguni, siku nchiuya duniani, nindakuta atu anikuluphirao?”

Johana 6:56

Aryaye mwiri na kunwa mlatso wangu andakala nami, nami ndakala naye.

Kumbukumbu 32:31

Hata maadui gehu ganamanya wazi, milungu yao siyo Mwamba wa nguvu dza Mlungu wehu.

1 Johana 4:12

Takuna mutu yeyesi yemuona Mlungu, ela huchimendzana, Mlungu a phamwenga naswi na maisha gehu gandaonyesa mendzwaye viratu arivyopanga.