Zaburi 30:4 - Digo Bible

⁴ Muimbireni Mwenyezi Mlungu mawira ga kumtogola mwi atakatifue, togolani dzinare takatifu.

Zaburi 30:4 ပူးပေါင်းရင်းမြစ်များ

1 Nyakati 16:4

Zaidi ya hivyo, Daudi watsambula Alawi anjina akale a huduma mbere za sanduku ra Mwenyezi Mlungu, kuika kumbukumbu, kulavya shukurani na kutogola Mwenyezi Mlungu, Mlungu wa Iziraeli.

Zaburi 107:20

Wahuma nenore richiaphoza, na achiakombola asiangamike.

Zaburi 132:9

Alavyadzio-sadaka naahende haki wakati wosi na aaminifuo, naapige njerejere na raha.

Zaburi 148:14

Akaapha atue nguvu, atogolwe ni atue osi, Aiziraeli, atu ario vipendzivye. Haleluya. Naatogolwe Mwenyezi Mlungu!

Zaburi 28:1

Nakuiha uwe Mwenyezi Mlungu, mwamba wangu, usinipuze. Mana uchininyamarira ndakala sina tafwauti na hinyo atserezwao mbirani.

Zaburi 32:11

Hererwani na mshangiliye kpwa sababu ya Mwenyezi Mlungu mwimwi murio na haki, pigani njerejere mwimwi murio na mioyo swafi!

Zaburi 50:5

Anaamba, “Nikusanyirani atu angu aaminifu, arioika chilagane nami kpwa kulavya sadaka!”

Zaburi 86:13

Mana mendzwayo ni nyinji kpwangu, ukakombola nafsi yangu na kuzimu.

Zaburi 97:12

Hererwa katika Mwenyezi Mlungu mwi a haki, na mtogole dzinare takatifu.

Kutsama 15:11

Kahi za milungu, ni mlungu yuphi ariye dza uwe, Mwenyezi Mlungu? Utakatifuo tauwezekana, mahendogo ga nguma ganahutishira, mambo makulu uhendago uwe, ganahuangalaza.

Isaya 6:3

Phahi higo maserafi gagombekezana gachiamba, “Mtakatifu, mtakatifu, mtakatifu, Mwenyezi Mlungu, Mlungu wa majeshi ni mtakatifu. Dunia yosi ikaodzala utukufuwe.”

Maono 4:8

Hivyo viumbe vine, chila chimwenga kala china mapha sita. Nago mapha kala gana matso chila phatu. Kala vinaimba usiku na mutsi bila ya kunyamala, nao wira wenye kala ni hinyu: “Mwenyezi Mlungu Mwenye Nguvu Zosi, ni mtakatifu tsetsetse! Wakalako, ariyeko, na ndiyekalako, wakati wosi iye ni mtakatifu tsetsetse!”

1 Samueli 2:6

Mwenyezi Mlungu nkuolaga na nkuyiza moyo; Nkutsereza hadi kuzimu, chisha ndiye alavyaye mutu kula kuzimu.