Zaburi 3:8 - Digo Bible

⁸ Wokofu ula kpwako uwe Mwenyezi Mlungu. Barakazo nazikale dzulu ya atuo.

Zaburi 3:8 ပူးပေါင်းရင်းမြစ်များ

2 Samueli 23:12

Ela Shama waima kahi-kahi ya nyo munda, achiuhehera, na achiaolaga Afilisti. Naye Mwenyezi Mlungu achiapha ushindi mkpwulu.

Zaburi 119:94

Mino ni wako, nitivya, mana nkahenda chadi kulunga malagizogo.

Zaburi 29:11

Mwenyezi Mlungu na aaphe nguvu atue! Mwenyezi Mlungu najaliye atue amani!

Zaburi 31:16

Mlole mtumishio na mbazi nitivya kpwa mendzwayo isiyosika.

Zaburi 58:7

Na ayaye dza madzi gajerago, naavyogbwe-vyogbwe na anyale dza nyasi.

Zaburi 72:17

Dzinare naridumu hata kare na kare, sifwaye nono naienderere wakati wosi dzuwa rialapho! Atu naahumire dzinare kuvoya baraka na mataifa ganjina gosi gamuihe ariyeajaliwa.

Zaburi 9:20

Atishire ee Mwenyezi Mlungu, atu a mataifa ganjina amanye kukala aho si chochosi ni anadamu tu.

Misemo 21:31

Farasi nkutayarishwa kpwa ajili ya siku ya viha, ela ushindi nkurehwa ni Mwenyezi Mlungu.

Isaya 43:11

Mimi, yani mimi machiyangu ndimi Mwenyezi Mlungu, takuna muokoli wanjina isiphokala mimi.

Jeremia 3:23

Kpwa kpweli hukachengeka sana kuabudu hiko myangoni. Kpwa kpweli wokofu wa Iziraeli ula kpwa Mwenyezi Mlungu, Mlungu wehu.’

Hosea 13:4

Mimi, ndimi Mwenyezi Mlungu, Mlungu wenu nriyekutuluzani kula tsi ya Misiri. Msikale na mlungu wanjina isiphokala mimi, mana taphana muokoli wanjina isiphokala mimi.

Jona 2:9

Ela mimi nindakutogola na kanwa yangu. Nindakulavira sadaka na kuusa hizo naziri nrizoika, mana uwe Mwenyezi Mlungu ndiwe utivyaye.”

Isabu 10:35

Wakati wowosi ro sanduku ririphouka, Musa waamba, “Unuka uwe Mwenyezi Mlungu! Richa maaduigo gatsamukane, na avihao achimbire mberezo.”

Mahendo 3:26

Phahi ariphomtsambula mtumishiwe Jesu, mwandzo wamreha kpwenu ili akujaliyeni kpwa kumuhenda chila mmwenga atubu dambize na kuricha njiraze mbii.”

Mahendo 4:12

“Wokofu tauphahikana kula kpwa mutu wanjina yeyesi, isiphokala kpwa Jesu, mana takuna dzina ranjina rorosi duniani rohewa anadamu kuaokola.”

Aefeso 1:3

Naatogolwe Mlungu ambaye piya ni Isengbwa wa Bwana wehu Jesu Masihi. Mana wahujaliya mambo manono ga chiroho galago dzulu kpwa kuhuunganisha na Jesu.

Aeburania 6:14

Hipho Mlungu waamba, “Hakika nindakujaliya na nindahenda vivyazivyo vikale vinji.”

1 Petero 3:9

Msiariphize anaokuhenderani mai, wala kualaphiza anaokulaphizani, ela ahendereni manono. Mana hivyo ndivyo Mlungu alondavyo muhende, ili akale andakujaliyani.

Maono 19:1

Chisha bada ya higa, násikira dza sauti nyinji za kundi kulu hiko mlunguni ambazo kala zinakota kululu zinaamba: Haleluya! “Naatogolwe Mlungu! Mlungu ndiye Muokoli wehu. Nguma na uwezo ni wa Mlungu wehu,

Maono 7:10

Achikala anapiga kululu kuno anaamba, “Wokofu ula kpwa Mlungu wehu asagalaye chihi cha chifalume, na kpwa Mwana ngʼondzi.”