Zaburi 28:1 - Digo Bible

¹ Nakuiha uwe Mwenyezi Mlungu, mwamba wangu, usinipuze. Mana uchininyamarira ndakala sina tafwauti na hinyo atserezwao mbirani.

Zaburi 28:1 ပူးပေါင်းရင်းမြစ်များ

Ayubu 33:28

Mlungu wativya roho yangu isitserezwe mbirani, nami nindakala moyo nione mwanga.’

Zaburi 142:1

Namririra Mwenyezi Mlungu kpwa sauti ya dzulu, ninamvoya Mwenyezi Mlungu kpwa sauti.

Zaburi 142:2

Ninammwagira malalamishi gangu na kumuambira tabu zangu.

Zaburi 143:7

Henda wangbwi unijibu ee Mwenyezi Mlungu, mana nkavundzika moyo! Usinilozere kogo, sedze nikakala dza atsererao kuzimu.

Zaburi 18:2

Mwenyezi Mlungu ndiye mwamba wangu, ngome yangu na mkomboli wangu, Iye ndiye Mlungu wangu, mwamba wangu na chimbiriro rangu. Iye ndiye ngao yangu, nguvu ya wokofu wangu na ngome yangu.

Zaburi 22:2

Nkukuiha mutsi, Mlungu wangu, ela kunijibu; nkukuiha usiku, ela sioya.

Zaburi 3:4

Nkumuiha Mwenyezi Mlungu aniterye, naye nkunijibu kula mwangowe mtakatifu.

Zaburi 30:4

Muimbireni Mwenyezi Mlungu mawira ga kumtogola mwi atakatifue, togolani dzinare takatifu.

Zaburi 30:9

Náamba, “Kuna fwaida yani mino nchifwa? Kuna fwaida yani mino nchitserera hadi mbirani? Dze, mtsanga undakutogola? Dze, undasemurira kuhusu uaminifuo?

Zaburi 35:22

Ela uwe Mwenyezi Mlungu ukariona dzambo hiro usinyamale ee Mwenyezi Mlungu, usikale kure nami.

Zaburi 39:12

“Sikira mavoyo gangu ee Mwenyezi Mlungu, phundza chiriro changu usihurire wakati ninarira mana mimi ni dza mjeni atsupaye, ni mcharo dza arivyokala akare angu.

Zaburi 42:9

Ndamuamba Mlungu, mwamba wangu, “Kpwa utu wani ukaniyala? Kpwa utu wani niangaike na sonono kpwa kuteswa ni adui?”

Zaburi 5:2

Sikira chiriro changu, Mlungu wangu na mfalume wangu, mana uwe ndiwe nikuvoyaye.

Zaburi 69:15

Usiriche mafuriko gakanibwiningiza au chivwa chikanimiza au dibwa rikanibwiningiza.

Zaburi 77:1

Námririra Mlungu kpwa sauti ili aniterye. Námririra Mlungu kpwa sauti ili aniphundze.

Zaburi 83:1

Ee Mlungu, usikale gbwi usinyamale, ee Mlungu, na usihurire!

Misemo 1:12

Hundaamiza azima-azima dza kuzimu, tsona wakati achere moyo, andakala dza vira atsererao kuzimu.

Isaya 26:4

Mkuluphireni Mwenyezi Mlungu siku zosi, mana Mwenyezi Mlungu ni mwamba wa kare na kare.

Isaya 38:18

Mbira taiweza kukushukuru, chifo tachiweza kukutogola; Hara aphiyao kaburini taatarajiya kuona uaminifuo.