Zaburi 27:3 - Digo Bible

³ Hata nkazangirwa ni jeshi zima, moyo wangu taundahenda wuoga. Hata viha vichinigbwerera, bado nindamkuluphira Mlungu.

Zaburi 27:3 ပူးပေါင်းရင်းမြစ်များ

2 Nyakati 20:15

Naye achiamba, “Phundzani mwimwi mosi msagalao Juda na Jerusalemu, na uwe mfalume Jehoshafati, Mwenyezi Mlungu anaamba hivi, ‘Msiogophe wala msitishike kpwa ajili ya hiri jeshi kulu kpwa mana viha sivyo vyenu ela ni vya Mlungu.

Ayubu 4:6

Dze, kumuogopha Mlungu si kuluphiroro? Na kukala kuna lawama si tumainiro?

Zaburi 112:7

Kandaogopha kusikira habari mbii, moyowe u imara, anamkuluphira Mwenyezi Mlungu.

Zaburi 3:6

Siogopha maelufu ga maadui achiodzipanga chinyume changu chila uphande.

Zaburi 3:7

Unuka ee Mwenyezi Mlungu! Nitivya ee Mlungu wangu! Wanga makofi maadui gangu, angʼole meno na uariche bila ya uwezo.

Zaburi 52:6

Atu a haki andaona na aogophe chisha andamtseka na aambe,

Afilipi 1:28

Msiogophe atu ambao anakupingani. Kusaogopha kpwenu ni dalili ya wazi kukala atu hinyo andaangamizwa, ela mwimwi mundaokolwa. Mlungu mwenye ndiye agahendaye.

1 Petero 3:14

Ela phahi hata ichikala munagaya kpwa sababu ya kuhenda haki, Mlungu andakujaliyani. Kpwa hivyo msihende shaka wala kuogopha hara anaokugayisani,

Maono 2:10

Phahi gasikutishireni higo mateso ndigokuphahani. Lolani, Shetani andakupimani kpwa kuatiya anjina enu jela, namwi mundateswa siku kumi. Ela kalani aaminifu kpwangu; hata ichikala ni kufwa, fwani. Nami nindakuphani tuzo ra uzima.

1 Samueli 19:8

Bada ya higo kpwakala na viha tsona, Daudi watuluka achendaapiga sana Afilisti. Phahi waolaga anji sana na ariosala achichimbira.