Zaburi 23:3 - Digo Bible

³ nkunipha nguvu nyiphya. Iye nkunilongoza njira za haki, kpwa ajili ya dzinare.

Zaburi 23:3 ပူးပေါင်းရင်းမြစ်များ

Ayubu 33:30

ili ativye rohoye kula mbirani, na aone mwanga wa uzima.

Zaburi 106:8

Ela ye achiativya kpwa sababu ya dzinare, ili uwezowe mkpwulu umanyikane.

Zaburi 109:21

Ela uwe, ee Mwenyezi Mlungu Bwana wangu, nishuulikiya vinono kpwa sababu ya dzinaro kpwa vira mendzwayo isiyosika ni nono, nitivya.

Zaburi 119:176

Nkatanga-tanga dza ngʼondzi chiroangamika, niendza mimi mtumishio, mana siyala malagizogo.

Zaburi 19:7

Shariya ya Mwenyezi Mlungu taina ila, nkumupha mutu nguvu uphya, malagizo ga Mwenyezi Mlungu ganakuluphirika nkumupha ikima mutu asiyekalanayo.

Zaburi 31:3

Uwe u mwamba wangu na ngome yangu, kpwa ishima ya dzinaro, nilongoza na unionyese njira.

Zaburi 31:4

Ntuluza kpwenye muhego nchiohegerwa mana uwe ndiwe chimbiriro rangu.

Zaburi 34:3

Ayangu, nahumupheni nguma Mwenyezi Mlungu nahutogole dzinare phamwenga.

Zaburi 5:8

Ee Mwenyezi Mlungu, nilongoza nihende hakiyo, kpwa sababu ya maadui gangu, na ugolose njirayo mbere zangu ili niilunge.

Zaburi 51:10

Niumbira moyo swafi, ee Mlungu, na roho yangu uihende luphya na ya kuhurira.

Zaburi 51:12

Niuyizira raha ya wokofuo, na uniphe roho ya kugbwira ulondago.

Zaburi 79:9

Huterye, ee Mlungu, muokoli wehu, kpwa sababu ya utukufu wa dzinaro, hukombole na uhuswamehe dambi zehu, kpwa ishima ya dzinaro.

Zaburi 85:13

Haki indamtanguliya Mlungu na kumtengezera njira.

Misemo 4:11

Nikakufundza njira ya ikima, na nikakuphirika na njira ya sawa.

Misemo 8:20

Ninanyendeka kahi-kahi ya haki, ninalunga shariya ya haki.

Isaya 42:16

Nindaalongoza vipofu kpwenye njira ambazo taadzangbwezitsupira. Nindagaluza jiza rikale mwanga mbere zao, na kuhenda tsi iriyo magome-magome ikale sawa-sawa. Higa ndigo mambo ndigogahenda nami sindaaricha.

Jeremia 31:25

Mana ndamuoyeza iye ambaye moyowe ukaremwa na kuamvunisa achiogbwa na mtsare.

Jeremia 31:8

Lola, nindaareha kula tsi ya vurini, nindaakusanya kula seemu za kure za dunia, kahi yao vipofu na viswere, achetu achiopheza na ario na utsungu wa kudzivugula, borori ra atu rindauya.

Ezekieli 20:14

Ela sihendere hivyo ili dzina rangu risitiywe najisi mbere za atu a mataifa, ambao ashuhudiya wakati nriphokala naatuluza.

Aefeso 1:6

Nahumtogoleni Mlungu kpwa mbazize nyinji za ajabu arizohupha kpwa sababu ya arigohenda mwanawe ammendzaye sana.

Maono 3:19

Mimi nkudemurira na kutiya adabu atu niamendzao. Phahi kalani na chadi, na mriche dambi.