Zaburi 22:6 - Digo Bible

⁶ Ela atu nkuniona dza mnyololo, nao ananifyorera na kunibera.

Zaburi 22:6 ပူးပေါင်းရင်းမြစ်များ

2 Nyakati 14:11

Asa wamririra Mwenyezi Mlungu, Mlunguwe achiamba, “Mwenyezi Mlungu, taphana wanjina dza uwe awezaye kuterya kahi ya mwenye mkpwotse na mnyonje. Ee Mwenyezi Mlungu, huterye kpwa mana swino hunakukuluphira uwe. Naswi hukedzapigana na jeshi hiri kulu kpwa dzinaro. Ee Mwenyezi Mlungu, uwe ndiwe Mlungu wehu, usiriche mwanadamu akakuturya.”

Ayubu 25:6

dze, ye mutu ambaye ni dza bulu, na mwanadamu ambaye ni dza mnyololo?”

Zaburi 25:3

Usimriche anayekukuluphira akagbwirwa ni waibu ela aifye osi achengao ayawao bila sababu.

Zaburi 31:1

Nikakuchimbirira uwe, ee Mwenyezi Mlungu, usiniriche nikagbwirwa ni waibu, niokola kpwa sababu u wa haki.

Zaburi 31:11

Maadui gangu gananinyetera majirani gangu gananibera. Nikakala utu wa kuogofya kpwa asena angu, achiniona himo njirani ananichimbira.

Zaburi 41:5

Aviha angu ananigomba vii, anauzana, “Andafwa rini yuno dzinare riyalwe?”

Zaburi 88:8

Ukahenda asena angu anizire, ukanihenda nikale tsukizo kpwao. Nkafungirwa na siweza kutuluka,

Isaya 41:14

Usiogophe uwe Jakobo, ambaye u dza mnyololo, mwimwi atu Aiziraeli, ‘Nindakuteryani!’ ” Ndivyo aambavyo Mwenyezi Mlungu, Mkombolio, Mtakatifu wa Iziraeli.

Isaya 49:7

Mwenyezi Mlungu, mkomboli na Mtakatifu wa Iziraeli, anamuambira hivi ye aberwaye ni anadamu, iye achiyemenwa ni mataifa, iye ariye mtumishi wa atawala, “Afalume andakuona na kuunuka, vilongozi nao andadzizamisa hata vilangu vyao vigute photsi,” kpwa sababu ya Mwenyezi Mlungu, ariye muaminifu, Mtakatifu wa Iziraeli ariyekutsambula.

Isaya 53:3

Waberwa na achiremewa ni atu, mutu wa sonono nyinji na amanyaye kugaya ni utu wani. Atu taalondere kumuona, waberwa na tahumuonere dza chitu.

Sonono za Jeremia 3:30

Na alavye ndzeyaye kpwa ye mpigi, na akale tayari kulaphizwa.

Mathayo 11:19

Nriphokpwedza mimi, Mutu Yela Mlunguni, narya na kunwa, nao atu ananiamba, ‘Mloleni, hiye mroho na mlevi, msena wa atoza kodi na achina-dambi anjina!’ Ela ikima ya Mlungu nkuhakikishwa kala ni kpweli kpwa mahendo ga atue.”

Mathayo 12:24

Ela Mafarisayo ariphosikira swali hiro, aamba, “Mutu hiyu anatuluza pepho kpwa uwezo wa Belizebuli, mkpwulu wa pepho.”

Johana 7:15

Vilongozi a Chiyahudi aangalala nao achiuzana achiamba, “Inakaladze mutu hiyu anamanya sana mambo gano bila ya kusomera walimu?”

Johana 7:20

Atu achimuamba, “Una pepho nini? Ni ani alondaye kukuolaga?”

Johana 8:48

Ayahudi amuamba Jesu, “Phahi tahukosera huchiamba uwe siwe Myahudi ela u Msamariya, tsona una pepho!”

Aeburania 13:12

Ndiyo mana Jesu naye wagaya na achiolagbwa kondze ya mudzi ili ausire atue dambi na nyo mlatsowe.

Maono 15:3

Nao achiimba wira wa Mwana ngʼondzi na Musa mtumishi wa Mlungu, uambao: “Mwenyezi Mlungu Mwenye Nguvu Zosi, mahendogo ni makulu na ga ajabu. Uwe ndiwe Mfalume wa makabila gosi duniani, na njirazo ni za haki na za kpweli.