Zaburi 22:15 - Digo Bible

¹⁵ Umiro wangu ukauma dza chidzaya na lilimi rangu rikagbwirana na lilakalaka. Nawe ukaniricha vumbini ili nifwe.

Zaburi 22:15 ပူးပေါင်းရင်းမြစ်များ

Mwandzo 18:27

Burahimu achijibu achiamba, “Hai, Mwenyezi Mlungu, kpwa kukala jasiri wa kugomba nawe dzagbwe mimi ni vumbi tu.

Mwandzo 3:19

Undarya jashoro, hadi ndiphofwa na kukala mitsanga tsona, kpwa mana wala mtsangani. Uwe waumbwa na mitsanga na mtsangani undauya.”

2 Samueli 14:14

Kpwa kpweli swiswi hosi lazima hundafwa, naswi hu dza madzi garigomwagika photsi, gasigowezekana kuzoleka tsona. Ela Mlungu kausa uhai wa mutu, badalaye iye nkutengeza njira ili iye ariyezolwa asienderere kukala kure naye.

Ayubu 10:9

Tambukira waniumba na ulongo, vino undaniuyiza mtsangani tsona?

Ayubu 19:20

Mifupha yangu ikagbwirana na ngozi yangu, nkatiya ela che bado phadide nifwe.

Ayubu 29:10

Hata akulu anyamala, avi malilimi gao gakagbwirana na malakalaka.

Ayubu 30:16

Vivi sina matumaini ga kuishi, siku za kugaya kpwangu zikanigbwira.

Ayubu 34:15

anadamu osi angeangamika chivyamwenga, na mwanadamu angeuya mtsangani.

Ayubu 7:21

Kpwa utu wani kuswamehe uasi wangu na kuusa uyi wangu? Mana muda mchache wedzao ndalala na kogo, na uchiniendza, kundaniona.”

Zaburi 104:29

Uchivilozera kogo, vinaogopha; uchiviusira pumuzi, vinafwa, na kuuya mtsangani virikola.

Zaburi 30:9

Náamba, “Kuna fwaida yani mino nchifwa? Kuna fwaida yani mino nchitserera hadi mbirani? Dze, mtsanga undakutogola? Dze, undasemurira kuhusu uaminifuo?

Zaburi 38:10

Moyo wangu unaphiya mairo, nami sina mkpwotse, hata matso gangu piya tagaona vinono.

Zaburi 69:21

Anirisa sumu kama chakurya, na achininwesa digbwa ili kuniusira chiru.

Zaburi 69:3

Kurira kpwangu kukaniremweza, umiro wangu ukafuwa. Nikamgodza Mlungu wangu hata ndipho matso gangu gaona wiziwizi.

Misemo 17:22

Moyo wa kuchangamuka ni dawa nono, ela moyo wa sonono nkuhenda mwiri ukakala mnyonje.

Isaya 53:12

Kpwa hivyo nindamupha mtalo phamwenga na akulu, naye andaganya zewe phamwenga na enye mkpwotse, kpwa kukala wadzilavya hadi afwe, waolangbwa phamwenga na atu ayi. Iye wahala dambi za anji na kuavoyera ili Mlungu aaswamehe.

Sonono za Jeremia 4:4

Lilimi ra mwana aamwaye rikagbwirana na lilakalaka kpwa chiru. Anache anavoya chakurya ela taphana aaphaye.

Danieli 12:2

Atu anji ariofwa, andafufuka, anjina ainjire uzima wa kare na kare, na anjina aphahe waibu na kuberwa hata kare na kare.

Mathayo 27:50

Jesu wakota kululu tsona na achidosa roho.

Johana 19:28

Jesu wamanya kala kaziye ikasira. Phahi, bada ya higa, ili akamilishe Maandiko waamba, “Nasikira chiru.”

1 Akorintho 15:3

Mana nákufundzani mambo muhimu sana ambago nami náhendafundzwa kukala, Jesu wafwa ili huswamehewe dambi zehu, kama Maandiko ganavyoamba.