Zaburi 21:7 - Digo Bible

⁷ Mana mfalume nkumkuluphira Mwenyezi Mlungu na kpwa sababu ya mendzwa isiyosika ya Iye Ariye Dzulu Kuriko Vyosi, kandakakamiswa ni utu.

Zaburi 21:7 ပူးပေါင်းရင်းမြစ်များ

Zaburi 13:5

Ela mino nakuluphira mendzwayo isiyosika, moyo wangu unahererwa kpwa sababu ya wokofuo.

Zaburi 16:8

Ninamanya kukala Mwenyezi Mlungu a phamwenga nami wakati wosi, kpwa kukala a phephi nami takuna chochosi ndichonihenda nikakame.

Zaburi 18:2

Mwenyezi Mlungu ndiye mwamba wangu, ngome yangu na mkomboli wangu, Iye ndiye Mlungu wangu, mwamba wangu na chimbiriro rangu. Iye ndiye ngao yangu, nguvu ya wokofu wangu na ngome yangu.

Zaburi 26:1

Ee Mwenyezi Mlungu, amula kukala sina makosa kpwa sababu nikaishi maisha gasigo ila na nkakukuluphira uwe bila ya kuyumba-yumba.

Zaburi 45:3

Tsomeka upangao chibiruni, uwe sujaa, mana una nguma na utukufu.

Zaburi 61:4

Navoya nikale mwako nyumbani hata kare na kare! Niphahe chimbiriro tsini ya maphago!

Zaburi 72:17

Dzinare naridumu hata kare na kare, sifwaye nono naienderere wakati wosi dzuwa rialapho! Atu naahumire dzinare kuvoya baraka na mataifa ganjina gosi gamuihe ariyeajaliwa.

Zaburi 9:2

Nindahererwa na kupiga njerejere kpwa sababuyo, nindamuimbira mawira ga kutogola Ariye Dzulu Kuriko Vyosi.

Zaburi 91:2

andaweza kumuamba Mwenyezi Mlungu, “Uwe ndiwe chimbiriro rangu na ngome yangu, Mlungu wangu, ninayekukuluphira!”

Danieli 7:14

Naye achihewa utawala, nguma na ufalume, ili atu a chila taifa na a chila luga amuhumikire. Utawalawe ni wa kare na kare, nao taundasira na ufalumewe taundaangamizwa.

Mathayo 27:43

Anamkuluphira Mlungu; haya, Mlungu naamutivye ichikala anammendza. Mana waamba ati, ‘Mlungu wamtsambula akale Mwanawe.’ ”

Aeburania 2:13

Tsona anaamba, “Ndamkuluphira Mlungu.” Na piya anaamba, “Himi hipha phamwenga na ana nriohewa ni Mlungu.”

1 Samueli 30:6

Daudi wasononeka sana kpwa mana atu kala analonda kumpiga mawe kpwa sababu chila mutu kala ana utsungu wa anae a chilume na a chichetu. Ela Daudi wadzipha moyo kahi ya Mwenyezi Mlungu, Mlunguwe.