Zaburi 19:7 - Digo Bible

⁷ Shariya ya Mwenyezi Mlungu taina ila, nkumupha mutu nguvu uphya, malagizo ga Mwenyezi Mlungu ganakuluphirika nkumupha ikima mutu asiyekalanayo.

Zaburi 19:7 ပူးပေါင်းရင်းမြစ်များ

2 Samueli 23:5

Dze, hivyo sivyo irivyo nyumba yangu mbere za Mlungu? Kpwa kukala wahenda nami chilagane cha hata kare na kare; Chilagane chopangbwa na kukala na uhakika wa chila seemuye, naye kpwa kpweli andahenda niongokerwe kahi ya gosi nilondago mwangu moyoni.

Ayubu 23:12

Sidzangbwericha kugbwira malagizo ga madomoge, nikatundza maneno ga kanwaye kuriko chakurya.

Zaburi 111:7

Mahendoge ni ga kuaminika na ga haki, malagizoge gosi ni ga kukuluphirwa,

Zaburi 119:105

Nenoro ndiyo taa inilongozayo, na ni mwanga wa njira yangu.

Zaburi 119:111

Malagizogo ni urisi wangu wa kare na kare, gago ndigo gahamirago mwangu moyoni.

Zaburi 119:130

Maelezo ga mafundzogo nkureha mwanga, na kumuhenda asiyemanya aweze kuelewa.

Zaburi 119:14

Nahamirwa ni kulunga malagizogo, dza viratu mutu ahamirwavyo ni utajiri munji.

Zaburi 119:152

Hangu kare nádzifundza kula kpwa malagizogo, kpwa kukala wagahenda gakale ga kare na kare.

Zaburi 119:24

Malagizogo gananihamira ndigo ganago nipha ushauri.

Zaburi 119:72

Shariya ya kula mwako kanwani ni bora kuriko maelufu ga vipande vya zahabu na feza.

Zaburi 119:9

Dze, barobaro anawezadze kuhenda maishage gakale swafi? Ni kpwa kuishi kulengana na nenoro.

Zaburi 18:30

Njira ya Mlungu taina ila, ahadi ya Mwenyezi Mlungu ni ya kukuluphirika! Iye ni ngao kpwa osi amchimbirirao.

Zaburi 23:3

nkunipha nguvu nyiphya. Iye nkunilongoza njira za haki, kpwa ajili ya dzinare.

Zaburi 93:5

Ee Mwenyezi Mlungu, malagizogo ni ga kpweli, nyumbayo ni takatifu, hata kare na kare.

Misemo 1:4

Nkuapha ulachu asiomanya, na kuhenda barobaro aphahe marifwa na akale makini.

Isaya 8:16

Andika maneno gangu gosi na ugafunge na ugatiye muhuri higo nchigofundza anafundzi angu.

Isaya 8:20

Ela mwimwi gbwirani lagizo na fundzo ra Mlungu. Aho agombao higo taadzangbweona mwanga,

Johana 5:39

Mnadzifundza sana Maandiko kpwa sababu munaona ndigo ndigokuphani uzima wa kare na kare. Ela Maandiko genye gananishuhudiya mimi!

Mahendo 10:43

Manabii osi agomba kumuhusu, achiamba kala chila mutu ndiyemkuluphira andaswamehewa dambize kpwa uwezo wa dzinare.”

Arumi 12:2

Msiige tsona mambo gahendwago ni atu a dunia hino, ela Mlungu akugaluzeni mwenu mioyoni mkale na maazo maphya. Hipho ndipho ndiphomanya hakika Mlungu amendzavyo; dzambo nono na ra sawa rimhamiraro.

Arumi 15:4

Na gosi garigoandikpwa hipho kare, gaandikpwa ili kuhufundza swiswi. Huchivumirira, gago ganahutiya moyo ili hukale na kuluphiro.

Arumi 3:2

Hakika kukala Myahudi kuna mana sana. Mwandzo kabisa, Mlungu waapha Ayahudi malagizoge.

Kumbukumbu 32:4

Iye ndiye Mwamba, kazize ni kamilifu, njiraze zosi ni za haki. Iye ni Mlungu muaminifu asiyekala na kosa, Iye anahenda mambo ga sawa na ga haki.

Akolosai 3:16

Ririkanani kuhusu habari za Jesu ili zitawale maisha genu. Fundzanani na mkanyane kpwa marifwa manji. Imbani zaburi na mawira ga chiroho kumtogola Mlungu. Tsona mshukuruni mioyo kutsuka.

2 Timothi 1:8

Phahi usione waibu kulavya ushaidi wa Bwana wehu, wala usinionere waibu mimi mfungbwa kpwa sababuye. Ela kala tayari kugaya phamwenga nami unaphotangaza habari nono kuhusu Jesu Muokoli kpwa kukuluphira nguvu uhewazo ni Mlungu.

2 Timothi 2:19

Ela msingi wa ukpweli wa Mlungu wadina ndindindi na watiywa muhuri wa maneno higa: “Mlungu anamanya ariye wakpwe,” na “Chila mutu akubaliye kukala iye ni Bwana, ni lazima ariche mai gosi.”

Jakobo 1:17

Majaliwa manono gosi na zawadi nono zila dzulu mlunguni, kpwa Baba Mlungu. Iye ni muumba wa mianga ya mlunguni na kagaluka dza pepho ya muhi.

Joshuwa 1:8

Usiyale bii kugomba maneno ga chitabu hichi cha shariya, ela ni ugaririkane usiku na mutsi, ili ukale makini kuhenda gosi garigoandikpwa himo. Chihivyo undahenda njirazo ziongokerwe na kujaliwa.

Maono 19:10

Ndipho nádzibwaga chimabumabu maguluni pha yuya malaika ili nimuabudu, ela achiniamba, “Usihende hivyo bii! Mimi nami ni mtumishi dza uwe phamwenga na nduguzo amshuhudiyao Jesu. Uwe muabudu Mlungu bahi! Mana ushaidi wa Jesu ndio chandzo cha unabii wa chiroho.”