5 Mimi nkulunga njirayo nami sidzangbweitelephuta.
Chigulu changu chikalunga nyagoze, nikalunga njiraze na sidzangbweaphuka.
Nilongoza kama urivyolaga kulengana na nenoro, usiriche uyi wowosi ukanitawala.
Kandakuricha ukpwale, iye akurindaye kakuka.
Mwenyezi Mlungu andakurinda na uyi wosi, naye andarinda maishago.
Ukahenda njira yangu ikale pana, na magulu gangu tagahereza.
Názoresa maadui gangu hadi nchigagbwira, nami siyalola nyuma hadi niriphogaangamiza.
Navoya tu usiriche maadui gangu gakanifyorera usiriche gakahamirwa kpwa kuona nkashindwa.
Tahudzangbwerema kugbwira shariyazo, wala kurema kuhenda vira ulondavyo.
Niriphoamba, “Nahereza,” mendzwayo isiyosika, ee Mwenyezi Mlungu, yanigbwiririra.
Ninamanya, ee Mwenyezi Mlungu kukala mwanadamu kana uwezowe, Mwanadamu kaweza kudzilongoza.
Iye andarinda maisha ga atakatifue; Ela ayi andaangamizwa jizani, Mana takuna mutu ndiyeshinda kpwa mkpwotsewe.
