Zaburi 17:3 - Digo Bible

³ Uwe ukanedzera usiku, ukanichunguza ukakuta sina uyi wowosi, mana nkaamuwa kusahenda dambi na kanwa yangu.

Zaburi 17:3 ပူးပေါင်းရင်းမြစ်များ

1 Nyakati 28:9

Daudi waenderera kugomba achiamba, “Uwe mwanangu Selemani, manya Mlungu wa sowe, umuhumikire na moyoo wosi na ummendze kpwa achilizo zosi. Mana Mwenyezi Mlungu anaelewa mioyo yosi na anamanya mipango yosi na maazo gosi. Uchimuendza andakujibu, ela uchimpaza andakupuza hata kare na kare.

1 Nyakati 29:17

Mlungu wangu, mino namanya kukala uwe ukupima moyo wa mutu, nawe unahamirwa ni mutu wa moyo wa uaminifu na uhendao garigo sawa. Nami kpwa hiyari yangu nkalavya hivi vyosi moyo kutsuka. Chisha atuo ambao a hipha, nkaaona anakulavira kpwa hiyari na kuhererwa.

Ayubu 23:10

Ela iye anamanya yo njira niigbwirayo, ndiphokala akanipima, nindatuluka dza zahabu swafi.

Ayubu 24:14

Muolagadzi nkulamuka chimirimiri, ili aweze kuolaga achiya na agayi, na usiku akakala dza muivi.

Zaburi 11:5

Mwenyezi Mlungu nkupima atu a haki na ayi iye anamena atu amendzao fujo.

Zaburi 119:106

Nkaapa kpwa kuhenda rya chirapho kukala nindagbwira shariyazo za haki.

Zaburi 139:1

Uwe Mwenyezi Mlungu ukanichunguza nawe unanimanya vyo nrivyo.

Zaburi 139:23

Nichunguza, uwe Mlungu, umanye moyo wangu, nijeza umanye maazo gangu.

Zaburi 16:7

Namtogola Mwenyezi Mlungu kpwa sababu ananilongoza, na usiku zamiri yangu inanionya.

Zaburi 26:2

Nipima, ee Mwenyezi Mlungu, na unijeze, chunguza moyo wangu na nia yangu.

Zaburi 39:1

Mimi náamba: “Nindamanyirira njira zangu, sedze nikahenda dambi kpwa maneno nigombago. Sindagomba chitu napho atu ayi a phephi nami.”

Zaburi 66:10

Mana uwe, ee Mlungu, ukahupima, uwe ukahujeza dza viratu feza itsukutswavyo na moho.

Zaburi 7:4

ichikala nahendera uyi mutu asiye na dzana nami au naiyira mviha wangu bila sababu,

Misemo 13:3

Mutu wa maneno ga chiasi andakala na maisha mare, ela mutu wa maneno ga bovobovo andabanangbwa.

Jeremia 12:3

Ela uwe Mwenyezi Mlungu unanimanya unaniona na ukujeza moyo wangu vyo ukumendzavyo. Agurute dza mangʼondzi gaphirikpwago chitsindzironi, na kupangirwa siku ya kutsindzwa.

Jeremia 50:20

Siku zizo na wakati uho, Mwenyezi Mlungu anaamba, makosa ga Iziraeli gandaendzwa ela tagandaphahikana; na dambi indaendzwa ko Juda ela taindaphahikana tse; mana mimi ndaswamehe nyo atu nrioasaza.

Hosea 7:6

Mioyo yao inaaka dza moho wa kujitira mikahe, nao anapanga kuchenga atu, tsukizi zao nkuokoha usiku wosi, na ligundzu zikaonekana dza moho mkali.

Mika 2:1

Shaka hiro kpwa apangao kuhenda mai, anaopanga uyi mwao vitandani, ligundzu kunaphocha anagahenda kpwa sababu ana uwezo.

Zakariya 13:9

Yo seemu mwenga ya tahu ya atu ndiorichwa moyo, nindaatiya mohoni niatsuse dza viratu mutu atsusavyo feza na moho, nindaajeza dza viratu zahabu ijezwavyo. Aho andanivoya, nami nindaajibu mavoyo gao. Mimi nindaamba, ‘Aho ni atu angu,’ nao andaamba, ‘Mwenyezi Mlungu ni Mlungu wehu.’ ”

Malaki 3:2

Ela ni ani awezaye kuvumirira iyo siku ya kpwedzakpwe? Au siku ndiphotuluka, ni ani awezaye kuima mbereze? Mana iye phahi ni dza viratu moho wa kueza vyuma, au sabuni iriyo na nguvu ya mfuli wa nguwo.

Mahendo 11:23

Ariphofika hiko na kuona baraka za Mlungu, wahererwa na achiatiya moyo osi ili akale aaminifu chikpweli-kpweli kpwa Mlungu.

Mahendo 16:9

Usikuwe Paulo waona mutu ruwiyani kula jimbo ra Makedonia akamuimira pho phephi, achimuamba, “Nakuvoya wedze Makedonia wedze uhuterye!”

1 Akorintho 4:4

Simanya rorosi iyi nrirorihenda, ela hino tainionyesa kala sina lawama, ela Bwana Jesu ndiye aniamulaye.

2 Akorintho 1:12

Hunahenda ngulu kpwa sababu hunaweza kukuambirani bila kusita-sita kala hwaishi kpwa uaminifu na moyo kutsuka. Naswi hwaahendera hivyo atu osi na haswa mwimwi mosi kpwa kuadamira mbazi za Mlungu badala ya marifwa gehu ga hipha duniani.

Jakobo 3:2

Atu osi nkuhenda makosa manji. Ela ichikala mutu kagomba makosa, phahi kana lawama ya aina yoyosi. Naye anaweza kudzirinda kamare.

1 Petero 1:7

Hipha sambi munagaya, ili kuluphiro renu ripimwe na kuonekana kukala ri sawa, dza viratu zahabu ipimwavyo kpwa kuhendaochwa na moho. Kumkuluphira Mlungu kuna mana zaidi kuriko zahabu, mana zahabu indabanangika. Kpwa hivyo Jesu Masihi andaapha nguma na ishima atue avumirirao hipho ndiphokpwedzadzionyesa wazi.

1 Samueli 24:10

Vivi rero unadzionera mwenye vira Mwenyezi Mlungu achivyokutiya mwangu mikononi himu pangoni. Atu anjina akaniambira nikuolage, ela nkaambira, ‘Sitaki kumuhendera bwana wangu dzambo iyi, mana iye ni mmwagirwa mafuha wa Mwenyezi Mlungu.’

1 Samueli 24:12

Mwenyezi Mlungu naamule kahi ya mimi na uwe, naye aniriphizire chisasi dzuluyo, ela mino sindakuhenda chitu.

1 Samueli 26:11

Ela navoya nisimgolosere mkpwono mmwagirwa mafuha wa Mwenyezi Mlungu. Sambi uwe hala hiri fumo ririro phakpwe chitswani na hiri burure ra madzi naswi huphiye vyehu.”

1 Samueli 26:23

Mwenyezi Mlungu nkuripha chila mutu sawa-sawa na hakiye na uaminifuwe. Kpwa mana rero Mwenyezi Mlungu akakutiya mwangu mikononi, ela mino nkarema kukuhendera mai uwe mmwagirwa mafuha wa Mwenyezi Mlungu.