Zaburi 16:7 - Digo Bible

⁷ Namtogola Mwenyezi Mlungu kpwa sababu ananilongoza, na usiku zamiri yangu inanionya.

Zaburi 16:7 ပူးပေါင်းရင်းမြစ်များ

Zaburi 119:148

Nachesa matso usiku wosi ili niririkane ahadizo.

Zaburi 119:55

Usiku ninatambukira dzinaro, ee Mwenyezi Mlungu na kugbwira shariyazo.

Zaburi 119:7

Nindakutogola moyo kutsuka, ndiphodzifundza malagizogo ga haki.

Zaburi 17:3

Uwe ukanedzera usiku, ukanichunguza ukakuta sina uyi wowosi, mana nkaamuwa kusahenda dambi na kanwa yangu.

Zaburi 22:2

Nkukuiha mutsi, Mlungu wangu, ela kunijibu; nkukuiha usiku, ela sioya.

Zaburi 42:8

Mutsi Mwenyezi Mlungu nkulagiza mendzwaye, na usiku wirawe u phamwenga nami voyo kpwa Mlungu aniphaye uzima.

Zaburi 63:6

Ninaphodziambalaza phangu litsagani nkukutambukira, usiku wosi nkukuririkana,

Zaburi 73:21

Moyo wangu uriphokala na utsungu, na roho kudunga,

Zaburi 73:24

Uwe unanilongoza kutsupira mashauri unagonipha na mwishirowe undaniphokera katika utukufuo.

Zaburi 77:2

Wakati nriphokala nina tabu namuendza Mwenyezi Mlungu, usiku wosi námvoya kuno nkaunula mikono yangu ela moyo wangu tauyahurira.

Zaburi 77:6

Usiku nátambukira mawira gangu náririkana na moyo wangu nchidziuza:

Misemo 8:14

Nina uwezo wa kushauri na ikima halisi, nina achili na nguvu.

Isaya 26:9

Nafsi yangu inakuaza uwe usiku wosi, moyo wangu unakuendza kpwa chadi mana hukumuzo zikalapho duniani atu nkudzifundza haki.

Isaya 48:17

Mwenyezi Mlungu, Mkombolio, Mtakatifu wa Iziraeli anaamba hivi, “Mimi, ndimi Mwenyezi Mlungu, Mlunguo nikufundzaye ili uongokerwe, nikulongozaye kpwenye njira ufwahayo kuilunga.

Isaya 50:4

Mwenyezi Mlungu akanifundza ga kugomba, ili niatiye moyo achioremwa. Chila ligundzu ananilamusa ili niphahe kuphundza mambo alondago kunifundza.

Jeremia 12:2

Uwe waaphanda, nao achimera, anakula na kuvyala matunda. Aho anakuhadza kano kpwa kano ela kumo mwao mioyoni.

Jeremia 17:10

Mimi Mwenyezi Mlungu ndimi nchunguzaye achili za mwanadamu na kupima moyowe. Na kumuhendera chila mutu kulengana na tabiyaze na mahendoge.”

Luka 6:12

Siku mwenga Jesu waphiya gambani kpwendavoya Mlungu. Wakala kuko usiku kucha kuvoya.

Maono 2:23

Tsona nindaolaga afuasie. Ndipho afuasi osi a Jesu andamanya kala mimi namanya moyo na achili za chila mutu. Chila mmwenga nindamripha kulengana na mahendoge.