Zaburi 146:8 - Digo Bible

⁸ Mwenyezi Mlungu nkuvugula matso vipofu. Mwenyezi Mlungu nkuaunula achioremererwa ni mizigo. Mwenyezi Mlungu anamendza atu a haki.

Zaburi 146:8 ပူးပေါင်းရင်းမြစ်များ

Zaburi 11:7

Mana Mwenyezi Mlungu ni mwenye haki na anamendza uamuli wa haki. Atu ahendao irivyo sawa andasagala phamwenga na Mlungu.

Zaburi 145:14

Mwenyezi Mlungu nkuaimisa osi agbwao na kuaunula osi anaoremererwa ni mizigo.

Zaburi 147:6

Mwenyezi Mlungu anaaunula anyenyekevu ela atu ayi anaabwaga photsi.

Isaya 35:5

Ndiphokpwedza, vipofu andahewa uwezo wa kuona na masito andasikira.

Isaya 42:16

Nindaalongoza vipofu kpwenye njira ambazo taadzangbwezitsupira. Nindagaluza jiza rikale mwanga mbere zao, na kuhenda tsi iriyo magome-magome ikale sawa-sawa. Higa ndigo mambo ndigogahenda nami sindaaricha.

Isaya 42:18

Phundzani mwi visoto, lolani mwi vipofu, muweze kuona.

Mathayo 11:5

Vipofu anaona, viswere ananyendeka, akongo a mahana anaphozwa, masito anasikira, atu a kufwa anafufulwa, na achiya anasemurirwa habari nono kula kpwa Mlungu.

Mathayo 9:30

Matso gao gavuguka achiona. Jesu waakahaza kpwa usiru, “Msimuambire mutu yeyesi dzambo hiri!”

Johana 16:27

Mana Baba mwenye anakumendzani, kpwa vira mwimwi munanimendza na munaamini kukala mimi nála kpwa Baba.

Mahendo 26:18

ukaangʼaze matso, ili atuluke jizani na ainjire mwangani, na ariche kutawalwa ni Shetani na akubali utawala wa Mlungu. Nao aswamehewe dambi zao na aphahe nafwasi phamwenga na ariotengbwa kpwa sababu ya kunikuluphira.’

2 Akorintho 7:6

Ela Mlungu ambaye nkutiya moyo hara ambao akavundzika mioyo, wahutiya moyo swiswi kpwa kumreha Tito kpwehu.

Aefeso 1:18

Piya navoya mngʼazwe matso, ili mmanyeto chira mgodzeracho na ambacho wakuihirani. Chitu hichi ni ura urisi wa nguma ariolaga atakatifue.

Kumbukumbu 33:3

Mwenyezi Mlungu anaamendza atue, atakatifue osi ni maliye. Kpwa hivyo anasagala phakpwe maguluni na kuphaha malagizo kula kpwakpwe.

1 Petero 2:9

Ela Mlungu wakutsambulani mkale atue. Kpwa hivyo mwimwi mu alavyadzi-sadaka a chifalume, taifa takatifu, yani atu a Mlungu mwenye. Mwatsambulwa ili mkale mundatangaza mahendo manono ga Mlungu, ariyekuihani mtuluke jizani ili mkale phakpwe mwangani, mwangawe mnono.