Zaburi 144:12 - Digo Bible

¹² Ana ehu a chilume na aajaliwe katika uvulana wao akule dza mimea ikulayo ikaphera, na ana ehu a chichetu akale dza nguzo za pembeni chizokatwa vinono ili kudzengera dzumba ra mfalume.

Zaburi 144:12 ပူးပေါင်းရင်းမြစ်များ

Ayubu 42:15

Kahi ya tsi yosi takuyakala na achetu anono dza nyo ana a Ayubu. Naye ise yao waapha urisi phamwenga na ndugu zao alume.

Zaburi 128:3

Mcheo andakala dza mzabibu uvyalao sana mwako nyumbani, anao andakala dza mitse ya mizaituni, kuzunguluka mezayo.

Sonono za Jeremia 4:2

Nyo ana a Sayuni ariokala na nguma, ariokala a samani sawa na zahabu swafi, vivi anaaharira dza nyungu za ulongo zisizo na samani kazi ya mfinyangi.

Zakariya 9:17

Atue andakala anono sana! Mtsere na uchi muitsi undaahenda avulana na asichana akale vitibwatibwa.

Kumbukumbu 7:13

Andakumendzani na kukujaliyani namwi mundaenjerezeka na kukala na uvyazi. Andabariki minda yenu kusudi mphahe mtsere, uchi wa zabibu na mafuha. Andakubarikini kpwa kukuphani ngʼombe na vyaa vinji vya mangʼondzi kpwenye tsi ariyoalaga akare enu kukala andakuphani mwimwi.