Zaburi 142:5 - Digo Bible

⁵ Nakuririra uwe Mwenyezi Mlungu, ninaamba, “Uwe ndiwe chimbiriro rangu, uwe ndiwe urisi wangu kpwenye tsi ya atu ario moyo.”

Zaburi 142:5 ပူးပေါင်းရင်းမြစ်များ

Zaburi 119:57

Uwe Mwenyezi Mlungu ndiwe mtalo wangu ninaahidi kukala, nindagbwira manenogo.

Zaburi 16:5

Mwenyezi Mlungu, uwe ndiye seemu yangu, na ndiwe unijaliyaye, mtalo wangu u salama mwako mikononi.

Zaburi 27:13

Naamini kukala nindaona unono wa Mwenyezi Mlungu kahi za tsi ya atu ario moyo.

Zaburi 35:12

Mino náhendera manono nyo ananiripha na mai, na akaricha roho yangu inasononeka.

Zaburi 46:1

Mlungu ndiye chimbiriro rehu na nguvu, chila wakati a tayari kuhuterya wakati wa tabu.

Zaburi 46:11

Mwenyezi Mlungu, Mlungu wa majeshi a phamwenga naswi, Mlungu wa Jakobo ndiye chimbiriro rehu.

Zaburi 46:7

Mwenyezi Mlungu, Mlungu wa majeshi a phamwenga naswi, Mlungu wa Jakobo ndiye chimbiriro rehu.

Zaburi 56:13

Mana uwe ukaitivya roho yangu na chifo ee, ukanirinda nisigbwe nikale ndasagala phephi na uwe, ee Mlungu, pharipho na mwangao ulavyao uhai.

Zaburi 73:26

Mwiri wangu na moyo wangu vinaweza kushindwa, ela Mlungu ndiye autiaye nguvu moyo wangu na ndiye mtalo wangu hata kare na kare.

Zaburi 91:2

andaweza kumuamba Mwenyezi Mlungu, “Uwe ndiwe chimbiriro rangu na ngome yangu, Mlungu wangu, ninayekukuluphira!”

Muhubiri 4:1

Chisha nchiona kuonerana kurikokala kunaenderera phapha tsini ya dzuwa: naona chiriro cha atu aonerwao, nao kala taana mutu wa kuaterya mana arioanera kala ana nguvu kuashinda.

Sonono za Jeremia 3:24

Nchidziamba, “Mwenyezi Mlungu ndiye mtalo wangu kpwa hivyo ndamkuluphira iye.”

Johana 16:32

Ela wakati uredza, na vivi ukafika kare, ambapho mundatsamukana. Chila mmwenga andaphiya kpwao kaya, nami nindasala machiyangu. Ela kpwa kpweli si machiyangu, mana Baba a phamwenga nami.

2 Timothi 4:17

Ela Mlungu wakala phamwenga nami na achinipha nguvu, ili niweze kutangaza chikamilifu ujumbewe kpwa atu osi asio kala Ayahudi, aphahe kuusikira. Phahi wanitivya ili nisiolagbwe.