Zaburi 140:13 - Digo Bible

¹³ Hakika atu a haki andatogola dzinaro, na ahendao ga haki andasagala pho phako uripho.

Zaburi 140:13 ပူးပေါင်းရင်းမြစ်များ

Ayubu 36:6

Iye karicha atu ayi akakala moyo, ela anaapha agayao haki yao.

Zaburi 11:7

Mana Mwenyezi Mlungu ni mwenye haki na anamendza uamuli wa haki. Atu ahendao irivyo sawa andasagala phamwenga na Mlungu.

Zaburi 16:11

Unanionyesa njira iphiyayo uzimani. Nami nahamirwa kukala phephi nawe na uphande wa mkpwonoo wa kulume kuna manono siku zosi.

Zaburi 23:6

Hakika unonoo na mbazizo zindanilunga siku zosi ndizo kala moyo. Nami nindasagala nyumbani mwa Mwenyezi Mlungu hata kare na kare.

Zaburi 32:11

Hererwani na mshangiliye kpwa sababu ya Mwenyezi Mlungu mwimwi murio na haki, pigani njerejere mwimwi murio na mioyo swafi!

Zaburi 35:10

Nindamtogola Mwenyezi Mlungu na moyo wangu wosi nimuambe, “Takuna ariye dza uwe, ee Mwenyezi Mlungu! Uwe unativya anyonje kula mikononi mwa enye nguvu, agayi na achiya kula mikononi mwa anao aonera.”

Zaburi 73:24

Uwe unanilongoza kutsupira mashauri unagonipha na mwishirowe undaniphokera katika utukufuo.

Zaburi 97:12

Hererwa katika Mwenyezi Mlungu mwi a haki, na mtogole dzinare takatifu.

Misemo 22:23

Mana Mwenyezi Mlungu ndiye mkanizi wao, naye andaalafya uzima aho ndioogofyera uzima wao.

Isaya 3:10

Aambire hinyo enye haki kukala mambo gao gandaaphihirato, mana andarya matunda ga mahendo gao.

Johana 14:3

Na nchimala kukutengezerani makao, nindauya tsona nedze nikuhaleni, ili phatu ndiphokala mimi, namwi piya mkale phapho.

Johana 17:24

“Baba, hara urionipha, naaza akale nami ndiphokala, ili aone uwezo ambao wanipha. Uwezo huno wanipha kpwa sababu wanimendza kabila ya dunia kuumbwa.

1 Athesalonike 4:17

Naswi ndiokala huchere moyo wakati hinyo hundakusanywa phamwenga nao hiko mainguni kumchinjira Bwana Jesu. Phahi hundakala phamwenga na Bwana Jesu hata kare na kare.