Zaburi 140:10 - Digo Bible

¹⁰ Makala ga moho nagaamwagikire, naatsuphwe mohoni, kpwenye madibwa na asiunuke tsona!

Zaburi 140:10 ပူးပေါင်းရင်းမြစ်များ

Mwandzo 19:24

Ndipho Mwenyezi Mlungu achihenda Sodoma na Gomora kunye mvula ya moho wa chibiriti kula mlunguni.

Zaburi 11:6

Iye andamwagira atu ayi makala ga moho na chibiriti avi ni mvula, andaatiya adabu na phuto ra dzoho kali.

Zaburi 120:4

Andakutiya adabu kpwa kuhumira mivi ya kurya ya sujaa, na makala ga moho ga mphingo.

Zaburi 21:9

Hipho ndiphotsembuka andaangamiza dza moho mkali. Mwenyezi Mlungu andaangamiza kpwa tsukizize na moho undaocha tsetsetse!

Zaburi 55:23

Ela uwe Mlungu undaahenda hinyo aolagadzi na atu a handzo avoromoke dibwani hata tsini kabisa kabila ya nusu ya siku zao za kuishi duniani. Ela mino nindakukuluphira uwe.

Zaburi 64:9

Halafu atu osi andaogopha. Andasemurira vira Mlungu achivyohenda na kuririkana kuhusu mahendoge.

Zaburi 7:17

Nindamshukuru Mwenyezi Mlungu kpwa sababu ni wa haki. Nindamuimbira Mwenyezi Mlungu Ariye Dzulu Kuriko Vyosi, mawira ga mkutogola.

Misemo 28:10

Mutu achengaye-chengaye atu a haki kuhenda dambi andagbwa mwenye mwakpwe dibwani, ela atu asio na ila andarisi manono.

Misemo 28:17

Mutu asikiraye kuhukumika na kosa ra kuolaga, andakala mchimbizi hadi kufwakpwe, usimterye mriche!

Mathayo 13:42

Nao andatsuphiwa ziya ra moho, ambako andarira na kusaga meno.

Mathayo 13:50

andatsupha atu ayi ndani ya ziya ra moho. Na mumo, andarira na kusaga meno.

Maono 20:15

Na mutu yeyesi ambaye dzinare tariandikirwe himo mwenye chitabu cha uzima, naye piya watsuphiwa ziya ra moho.

Maono 21:8

Ela phahi aoga, asiomkuluphira Mlungu, akora, aolagadzi, adiya, atsai, aabuduo vizuka, na a handzo, aho osi phatu phao ni ziya ra moho mkali wa chibiriti. Na chicho ndicho chifo cha phiri.”