Zaburi 135:21 - Digo Bible

²¹ Mwenyezi Mlungu naatogolwe hiko Sayuni, iye asagalaye Jerusalemu! Mwenyezi Mlungu naatogolwe! Haleluya.

Zaburi 135:21 ပူးပေါင်းရင်းမြစ်များ

1 Nyakati 23:25

Mana Daudi waamba, “Mwenyezi Mlungu, Mlungu wa Iziraeli, akaapha atue amani, naye akahenda Jerusalemu ikale makaloge hata kare na kare.

2 Nyakati 6:6

Ela nikautsambula mudzi wa Jerusalemu, ili atu aniabudu mumo na nikamtsambula Daudi, atawale atu angu Aiziraeli.’

Ezira 7:16

Hala feza na zahabu zosi ndizophaha kahi ya jimbo ra Babeli na sadaka za hiyari ambazo atu na alavyadzi-sadaka andalavya, kpwa ajili ya nyumba ya Mlungu wao iriyo hiko Jerusalemu.

Zaburi 128:5

Mwenyezi Mlungu naakubariki kula Sayuni! Uajaliwe uone kuongokerwa kpwa Jerusalemu, siku zosi za maishago.

Zaburi 134:3

Mwenyezi Mlungu naakujaliyeni kula Sayuni, ariyeumba mlunguni na tsi.

Zaburi 48:1

Mwenyezi Mlungu ni mkpwulu na anafwaha kutogolwa, kpwenye mudziwe urio kpwenye mwangowe mtakatifu.

Zaburi 48:2

Ni mure na ni mnono atu a dunia yosi awoonapho anahamirwa. Mwango wa Sayuni, mudzi wa Mfalume mkpwulu, ni dza virere vya mwango Zafoni.

Zaburi 48:3

Kahi za ngomeze, Mlungu akadzionyesa kukala iye ndiye mrindzi.

Zaburi 48:9

Himo ndani ya nyumba ya kuvoya Mlungu hukaririkana kuhusu mendzwayo isiyosika, ee Mlungu.

Zaburi 76:2

Makaloge ga hiko Salemu, Sayuni anakosagala.

Isaya 12:6

Kotani kululu na muimbe kpwa kuhererwa mwimwi atu a Sayuni, mana Mtakatifu wa Iziraeli ni mkpwulu kahi yenu.”

Isabu 23:21

Iye kadzangbweona uyi wowosi kahi za Jakobo, wala mashaka kahi za Iziraeli. Mwenyezi Mlungu, Mlungu wao a phamwenga nao, akatangaza kukala iye ndiye mfalume wao.