Zaburi 131:1 - Digo Bible

¹ Ee Mwenyezi Mlungu, moyo wangu taudzikarya, wala sidziunula. Nami sidzihusisha na mambo makulu, mambo garigo makulu kpwangu.

Zaburi 131:1 ပူးပေါင်းရင်းမြစ်များ

2 Samueli 6:22

Tsona nindadziika wa kukosa ishima kuriko hivi, nami ndadziifya phako matsoni. Ela mbere za hinyo atumwa achetu uchio agomba, nindaishimiwa.”

Ayubu 42:3

Uwe wauza uchiamba, ‘Ni ani yuno ahendaye ikima yangu isieleweke?’ Kpwa kpweli nágomba mambo ambago kala sigaelewa, ga kuniangalaza, ambago kala sigamanya.

Zaburi 101:5

Mutu amuocheraye ngulu jiraniwe nindamʼbananga, na sindamvumirira mutu mwenye chibero na anayedzikarya.

Zaburi 122:1

Nahamirwa ariphoniamba, “Huphiye nyumbani mwa Mwenyezi Mlungu.”

Zaburi 124:1

Mwenyezi Mlungu asingekala uphande wehu, Aiziraeli naambe,

Zaburi 133:1

Ni vinono na vinahama ndugu achisagala phamwenga, kpwa umwenga.

Zaburi 139:6

Marifwago, gananiangalaza, ni makulu sana hata siweza kugaelewa.

Misemo 21:4

Matso ga shobo na moyo wa ngulu na mambo mai, gosi higo ni dambi.

Jeremia 17:16

Sidzangbwericha kukala mrisa wala siaza siku ya chifo yedze. Uwe mwenye unamanya nrigogomba na kanwa yangu, nirigogomba ga wazi mberezo.

Jeremia 45:5

Dze, unadzilondera mambo makulu? Usigalonde, mana nindaarehera atu osi mashaka, ela ndativya maishago kpwahali kokosi ambako undaphiya. Nayo indakala ni zawadiyo, mimi Mwenyezi Mlungu nkaamba.’ ”

Isabu 12:3

Phahi Musa wakala ni mutu mpore sana kuriko mutu wanjina yeyesi duniani.

Mathayo 11:29

Gbwirani mzigo wangu na mdzifundze kula kpwangu; mana mimi ni mpole na wa mbazi, namwi roho zenu zindaoya.

Mahendo 20:19

Námhumikira Mlungu na matsozi manji tsona bila ngulu hata chidide. Nami náphaha tabu nyinji kpwa sababu ya njama za Ayahudi.

Arumi 11:33

Hebu lola vira utajiri, marifwa na ilimu ya Mlungu irivyo kulu! Ni ani awezaye kuelewa uamuli na njira za Mlungu?

Arumi 12:16

Ishini vinono na ayawenu. Msihende shobo, ela dziikeni sawa na atu a kawaida, wala msidzione kala muna marifwa zaidi.

Kumbukumbu 17:20

Achihenda hivyo kandadziona kukala wa mana kuriko nduguze, wala kuyiika kanda shariya hino kpwa namuna yoyosi. Chihivyo iye na chivyaziche andadumu kpwenye utawala ko Iziraeli.”

1 Athesalonike 2:10

Mwimwi mu mashaidi gehu dza viratu Mlungu, kukala maisha gehu hiko kpwenu gakala manono na ga haki bila lawama.

1 Samueli 16:13

Phahi Samueli achihala iyo pembe ya mafuha, achimmwagira Daudi mafuha kahi-kahi ya nduguze. Na kula siku iyo, Roho wa Mwenyezi Mlungu achimwedzera Daudi kpwa nguvu nyinji. Phahi Samueli wauka achiuya kpwakpwe, mudzi wa Rama.

1 Samueli 16:18

Ndipho mmwengawapho wa atumishie achiamba, “Nkaona mwana mmwenga wa Jese, Jese mutu kula Bethilehemu. Ye mwana wa Jese ni sogora wa kupiga ngephephe. Barobaro iye ni sujaa, hodari wa viha, ana maneno ga busara, ni mutu wa sura nono, tsona mutu ambaye Mwenyezi Mlungu a phamwenga naye.”

1 Samueli 16:22

Chisha Sauli achihuma atu kpwa Jese kpwendamuamba, “Nakuvoya mriche Daudi anihumikire mana nikamtsunuka.”

1 Samueli 17:15

Ela Daudi kala achiphiya kpwa Sauli na kuuya Bethilehemu ili akarise mangʼondzi ga ise.

1 Samueli 18:23

Na hinyo atumishi a Sauli ariphomuambira maneno higo, Daudi wajibu achiamba, “Dze! Mwino munaona kukala ni dzambo dide ra mutu mchiya na asiyemanyikana dza mimi kukala mtsedza wa mfalume?”