Zaburi 125:2 - Digo Bible

² Dza vira myango chivyozunguluka Jerusalemu, ndivyo Mwenyezi Mlungu azungulukavyo atue hangu sambi hata kare na kare.

Zaburi 125:2 ပူးပေါင်းရင်းမြစ်များ

2 Afalume 6:17

Chisha Elisha achivoya; “Mwenyezi Mlungu, mvugule matso ili aphahe kuona!” Phahi, Mwenyezi Mlungu achimvugula matso yuya mtumishi, achiona farasi na magari ga kuvwehwa ni farasi ga moho gakagota mwango wosi, kumzunguluka Elisha.

Zaburi 121:8

Mwenyezi Mlungu andakurinda chila utulukapho na uinjirapho, vi sambi hata kare na kare.

Zaburi 34:7

Malaika wa Mwenyezi Mlungu nkurinda hinyo amuogophao na akaativya.

Isaya 4:5

Chisha Mwenyezi Mlungu andareha ingu ra mosi wakati wa mutsi, na jimbijimbi ra moho wakati wa usiku, dzulu ya mwango Sayuni na osi chiokusanyika hipho. Nayo nguma ya Mlungu indafwinika mudzi wosi.

Sonono za Jeremia 4:12

Afalume a dunia, phamwenga na atu osi taayaamini, kukala maadui na aviha anaweza kuinjira maryango ga Jerusalemu.

Zakariya 2:5

Kpwa mana mimi mwenye, nindakala ukuta wa moho kuzunguluka nyo mudzi wosi, mimi Mwenyezi Mlungu nkaamba. Nami nindakala utukufu mo mudzini.’ ”

Kumbukumbu 33:27

Mlungu wa kare na kare ndiye chimbiriro renu; na mikonoye ya nguvu inaativya. Waazola maadui mbere zenu; waamba, ‘Aangamizeni.’