Zaburi 12:5 - Digo Bible

⁵ Ela Mwenyezi Mlungu anaamba, “Kpwa sababu achiya anaonerwa, na agayi anasononeka, ndaunuka, niaphahe usalama anaougodzera kpwa hamu.”

Zaburi 12:5 ပူးပေါင်းရင်းမြစ်များ

Ayubu 5:15

Ela Mlungu nkutivya anachiya asiolagbwe, na achiya kula mikononi mwa enye nguvu.

Ayubu 5:21

Andakuchinga wakati atu anakugomba vii, nawe kundaogopha ubanangi wedzapho.

Zaburi 10:12

Unuka uwe Mwenyezi Mlungu, unula mkpwonoo uwe Mlungu. Usiyale anaogaya.

Zaburi 10:18

uahendere haki anachiya na anaoonerwa, ili mwanadamu ariyeumbwa kpwa ulongo asiweze kuaogofyera tsona.

Zaburi 10:5

Aho nkuongokerwa na chila ahendaro taaelewa hukumu za mlungu. Aho nkunyetera maadui gao.

Zaburi 31:19

Unonoo ni munji na ukaikira hara anaokuogopha. Uwe ukuapha hara anaokuchimbirira, kuno atu osi analola. Kpwa kpweli hinyo anaokuogopha ukaaikira manono teletele, atu osi anamanya kukala u mnono na unaarinda vizuri hinyo anaokuchimbirira.

Zaburi 34:6

Mgayi achimvoya Mwenyezi Mlungu, iye nkumsikira na akamtivya na tabuze zosi.

Zaburi 73:8

Nkutenda ayawao na kugomba mai nkuhenda ngulu na kupanga kuonera ayawao.

Kutsama 5:2

Farao achiamba, “Kpwani ye Mwenyezi Mlungu ni ani hata nimusikize na niriche Aiziraeli auke? Ye Mwenyezi Mlungu simmanya, na nyo Aiziraeli sindaaruhusu auke.”

Misemo 14:31

Atu aonerao achiya anamlaphiza Muumba wao, ela atu aoteryao achiya anamuishimu Mlungu.

Misemo 18:21

Lilimi rina nguvu za kuhenda mutu atiye au aolagbwe, na atu amendzao kurihumira andarya matundage.

Muhubiri 4:1

Chisha nchiona kuonerana kurikokala kunaenderera phapha tsini ya dzuwa: naona chiriro cha atu aonerwao, nao kala taana mutu wa kuaterya mana arioanera kala ana nguvu kuashinda.

Muhubiri 5:8

Usiangalale uchiona achiya anaonerwa na kulafiwa haki yao kpwenye tsi, mana chila ariye na cheo anatetewa ni mkpwulu wanjina ariye dzuluye, na dzulu ya aho osi kuna mkpwulu zaidi anayeahehera.

Isaya 19:20

Phatu hipho pha kulavira sadaka phandakala ishara na ushaidi wa wazi kpwa ajili ya Mwenyezi Mlungu, Mlungu wa majeshi ko tsi ya Misiri. Ndiphomririra Mwenyezi Mlungu kpwa sababu anaonerwa, iye andaahumira muokoli na mkanizi ndiyeativya.

Isaya 33:10

Ela Mwenyezi Mlungu anaamba, “Nindahenda chitu ili nitogolwe sana.

Ezekieli 18:18

Ela ye ise andafwa kpwa dambize mwenye, kpwa kukala wachenga na kafuta nduguye malize kpwa nguvu, na kuhenda mai kahi za atue.

Hosea 7:16

Aho nkugaluka kuendza msada ela si kpwa iye Ariye Dzulu Kuriko Vyosi nao taana mana dza uha uchiovundzika. Akulu aho andaolagbwa na upanga kpwa maneno gao ga kudzikarya, gaga gandaahenda atsekpwe, kahi ya tsi ya Misiri.

Jakobo 5:4

Lolani! Mwarema kuripha atu ariokuhenderani kazi mwenu mindani. Nayo mishahara ambayo taiyariphiwa inakuririrani. Chiriro cha hinya avunadzi chamfikira Mwenyezi Mlungu, Mlungu wa majeshi.

Aamuli 10:16

Chisha Aiziraeli achiusa hira milungu yao ya chijeni, nao achimuabudu Mwenyezi Mlungu. Naye Mwenyezi Mlungu kayavumirira tsona kuona mateso ga Aiziraeli.