Zaburi 119:9 - Digo Bible

⁹ Dze, barobaro anawezadze kuhenda maishage gakale swafi? Ni kpwa kuishi kulengana na nenoro.

Zaburi 119:9 ပူးပေါင်းရင်းမြစ်များ

2 Nyakati 6:16

Sambi, uwe Mwenyezi Mlungu, Mlungu wa Iziraeli nakuvoya utimize vyo vilaganevyo urivyomlaga mtumishio, baba Daudi. Mana uwe wamuamba, ‘Kala atu a chivyazicho andadzimanyirira na mambo gosi ndigohenda, na kuphiya kulengana na shariya yangu dza uwe urivyohenda, angetawala Iziraeli siku zosi.’

Ayubu 1:5

Bada ya sharee kusira, Ayubu kala achiiha anae na kuatakasa. Ayubu kala achirauka chiti na kulavya sadaka za kuochwa kpwa ajili ya chila mmwenga wao. Mana Ayubu wadziamba, “Mendzerepho anangu alume ahenda dambi, na kumlani Mlungu mwao mioyoni.” Ayubu wahenda vivi chila mara.

Ayubu 13:26

Mana unaandika mambo mai ga kunishitaki, na kunihenda nirisi makosa gangu ga wanacheni.

Zaburi 119:11

Nenoro nkariika mwangu moyoni, ili nisikuhendere dambi.

Zaburi 17:4

Nikalunga malagizogo, ambago gananihenda nisilunge njira za atu a fujo.

Zaburi 25:7

Usitambukire dambi zangu na uasi wangu nrigohenda wakati ni barobaro nitambukira kulengana na mendzwayo isiyosika, mana uwe Mwenyezi Mlungu u mnono.

Zaburi 34:11

Hebu ndzoni mniphundze anangu nami ndakufundzani kumuogopha Mwenyezi Mlungu.

Misemo 1:10

Mwanangu, enye dambi achikuchenga-chenga uwe rema.

Misemo 1:4

Nkuapha ulachu asiomanya, na kuhenda barobaro aphahe marifwa na akale makini.

Misemo 2:11

Busara indakurinda; Na marifwa gandakusitiri.

Misemo 4:1

Anangu, gbwirani mafundzo ga sowe yenu, hegani masikiro genu mphahe kuelewa.

Misemo 7:7

Náona avulana anji azuzu, na hasa mmwenga wao kala ni mzuzu tse!

Muhubiri 11:9

We barobaro hamirwa ni ubarobaroo na moyoo ukuphe raha siku za ubarobaroo. Lunga moyoo umendzavyo na chinacholondwa ni matsogo. Ela umanye kukala Mlungu andakuamula kulengana na vira urivyoishi.

Luka 15:13

“Bada ya siku chache, yuya mdide waguza fungure na achiuka, kuphiya tsi ya kure, ambako wakpwendahumira pesaze ovyo ovyo.

Johana 15:3

Mwimwi mu dza panda zivyalazo; mwatsatsulwa kare ni mafundzo ambago nákufundzani.

Kumbukumbu 17:18

Mutu ndiphokala mfalume ni akale na nakalaye ya shariya ndiyoandikirwa mbere za Alawi ambao ni alavyadzi-sadaka.

2 Timothi 2:22

Dzitenge kabisa na tamaa mbaya za ubarobaro. Lunga garigo ga haki, gbwiririra kuluphiro, uhende chadi cha kumendza ayao, na usagale na amani. Henda higo gosi phamwenga na atu osi ahadzao Bwana moyo kutsuka.

Joshuwa 1:7

Dina chilume na ukale jasiri sana. Hakikisha unalunga na kuhenda kulengana na shariya ambayo mtumishi wangu Musa wakulagiza. Usiriche malagizo hata mwenga, ili kokosi ndikophiya, uongokerwe.