Zaburi 118:27 - Digo Bible

²⁷ Mwenyezi Mlungu ni Mlungu, akahungʼazira mwangawe. Gbwirani maphungo ga mihi mwenu mikononi mlongozane wakati wa sikukuu, mphiye phamwenga phenye pembe za phatu pha kulavira sadaka.

Zaburi 118:27 ပူးပေါင်းရင်းမြစ်များ

1 Afalume 18:21

Naye, Elija waasengerera hinyo atu, achiaambira, “Mundasita-sita kahi za nia mbiri hadi rini? Ichikala Mwenyezi Mlungu ndiye Mlungu, mlungeni, ela ichikala Baali ndiye Mlungu, phahi, mlungeni iye.” Ela atu tayamjibu neno rorosi.

1 Afalume 18:39

Atu ariphoona hivyo, azamisa nyuso zao hadi photsi na achiamba, “Mwenyezi Mlungu ndiye Mlungu! Mwenyezi Mlungu ndiye Mlungu!”

1 Nyakati 29:21

Amlavira Mwenyezi Mlungu sadaka na siku ya phiriye achimtsindzira Mwenyezi Mlungu sadaka za kuochwa za ndzau elufu mwenga, maturume elufu mwenga na ana ngʼondzi elufu mwenga, phamwenga na sadaka za chinwadzi. Tsona alavya unji wa sadaka kpwa ajili ya Iziraeli yosi.

Esta 8:16

Kpwa Ayahudi huno kala ni wakati wa raha nyinji, njerejere na ishima.

Zaburi 18:28

Uwe Mwenyezi Mlungu, ndiwe uasaye taa yangu. Mlungu wangu nkuhenda jiza rangu rikakala nuru.

Zaburi 37:6

Andahenda hakiyo ingʼale dza mwanga wa ligundzu na uamulio wa haki dza dzuwa ra lihosini.

Kutsama 27:2

Undatengeza vihunde vine chivyotulukiza avi ni pembe kpwenye pembe ne za hipho phatu pha kulavira sadaka. Vihunde hivyo vyakutulukiza navikale chitu chimwenga na pho phatu pha kulavira sadaka. Uchimala, phosi phapake shaba.

Kutsama 38:2

Anala phapho achitengeza vihunde vine vyotulukiza dzulu ya zo pembe ne za pho phatu pha kulavira sadaka, vichikala chitu chimwenga na vyosi achivipaka shaba.

Isaya 60:1

Unuka ungʼale, kpwa kukala mwangao ukedza, na nguma ya Mwenyezi Mlungu ikakutsembukira.

Isaya 9:2

Dzagbwe atu enu kala anaishi jizani, akaona mwanga mkpwulu. Tsona dzagbwe kala anaishi tsi ya chilungulungu cha jiza ra chifo, mwanga ukaangʼarira.

Mika 7:9

Ni ndavumirira kutiywa adabu ni Mwenyezi Mlungu kpwa sababu nkahenda dambi, hadi ndiphonikanira na kunihendera haki. Andanireha kuriko na mwanga nami ndaona wokofuwe.

Malaki 4:2

Ela mwimwi muogophao dzina rangu, dzuwa ra haki rindakutulukirani na mwangawe undareha uphozi. Mundatina-tina kpwa raha dza ana ngʼombe achiotuluka chaani.”

Johana 8:12

Jesu waenderera kugomba na atu achiamba, “Mimi ni mwanga ungʼarirao atu himu duniani. Mutu ndiyenilunga mimi kandanyendeka jizani kamare, ela andaphaha mwanga uaphao atu uzima.”

Aeburania 13:15

Phahi nahumtogoleni Mlungu na kutangaza ngumaze wakati wosi. Mana iyo ndiyo njira ya kumlavira sadaka zehu kutsupira Jesu.

1 Petero 2:9

Ela Mlungu wakutsambulani mkale atue. Kpwa hivyo mwimwi mu alavyadzi-sadaka a chifalume, taifa takatifu, yani atu a Mlungu mwenye. Mwatsambulwa ili mkale mundatangaza mahendo manono ga Mlungu, ariyekuihani mtuluke jizani ili mkale phakpwe mwangani, mwangawe mnono.