Zaburi 116:11 - Digo Bible

¹¹ Kahi za tabu zangu nágomba nchiamba, “Anadamu osi ana handzo.”

Zaburi 116:11 ပူးပေါင်းရင်းမြစ်များ

2 Afalume 4:16

Elisha wamuambira, “Mwaka wedzao, wakati dza uhu, undakala na mwana.” Yuya mchetu wamjibu achiamba, “Hata, Bwana wangu! Uwe u mutu wa Mlungu, usinichenge mimi mtumishio!”

Zaburi 12:2

Chila mmwenga anagomba handzo na jiraniwe ngʼandzi zao ni za handzo na unafiki

Zaburi 12:3

Ee Mwenyezi Mlungu naakate miromo ya handzo na chila lilimi rinarodzikarya.

Zaburi 31:22

Mino náogopha nchiamba, “Nikatengbwa kure na Mwenyezi Mlungu.” Ela wasikira chiriro changu nriphokuririra uniterye.

Zaburi 62:9

Anadamu osi ni dza mseho, osi avyere kpwa adide, taafwaha chitu. Tsona uchiapima mkpwotse wao taufika hata kilo mwenga, osi phamwenga achipimwa mkpwotse wao taufika hata wa pumuzi.

Arumi 3:4

Sivyo hata chidide! Chila mutu akakala wa handzo na kukala Mlungu ni mkpweli. Kama Maandiko gaambago kukala, “Uchiniambira makosa gangu, manenogo ni ga kpweli, na uamulio ni wa haki.”

1 Samueli 27:1

Naye Daudi wagomba chimoyo-moyo achiamba, “Siku mwenga Sauli andakpwedza aniolage, baha nchimbire mphiye tsi ya Afilisti. Chihivyo Sauli andakata tamaa ya kuniendza tsona kahi ya tsi ya Iziraeli nami ndatiya.”