Zaburi 116:1 - Digo Bible

¹ Nammendza Mwenyezi Mlungu, kpwa sababu anasikira chiriro changu na mavoyo gangu.

Zaburi 116:1 ပူးပေါင်းရင်းမြစ်များ

Mwandzo 35:2

Ndipho Jakobo achiambira achee, anae na atu osi ariokala nao, “Richani milungu ya chijeni mriyo nayo, dzitakaseni na mvwale nguwo swafi.

1 Afalume 9:3

Mwenyezi Mlungu wamuamba, “Nkasikira mavoyogo na chirirocho. Nami nkaitenga nyumba hino ambayo ukanidzengera na kuika dzina rangu himo hata kare na kare. Matso gangu na moyo wangu undakala himo siku zosi.

Zaburi 119:132

Galuka unionere mbazi, dza uhenderavyo akumendzao wakati wosi.

Zaburi 28:6

Mwenyezi Mlungu naatogolwe mana akasikira mavoyo gangu.

Zaburi 40:1

Nágodza Mwenyezi Mlungu aniterye kpwa kuvumirira naye achiniphundza na achisikira chiriro changu.

Zaburi 69:33

Mana Mwenyezi Mlungu nkusikira mavoyo ga achiya, na kabera ario akpwe achiofungbwa.

Isaya 38:15

Vivi sina ra kugomba; Iye wagomba nami, na iye mwenye akahenda higa. Siphaha usingizi tsona, kpwa sababu maisha gangu gakaodzala utsungu.

Sonono za Jeremia 3:56

Uchisikira kulalama kpwangu, nriphokuvoya nchiamba, “Usizibe masikirogo niriphokuririra kulonda kuterywa!”

Jona 2:3

Wanitsupha kpwenye chivwa cha bahari, kahi-kahi ya bahari tsini ya higo madzi. Madzi ganizunguluka pande zosi, kuno maimbigo makulu na madide gachinifwinika.

Isabu 21:3

Mwenyezi Mlungu achisikira mavoyo ga Aiziraeli na achiatiya Akanani mwao mikononi nao achiaangamiza tsetsetse aho phamwenga na midzi yao. Phahi phatu hipho phachiihwa Horima.

Mariko 12:33

Kpwa kpweli ni lazima mutu amendze Mlungu na moyowe wosi, na rohoye yosi, na achilize zosi na mkpwotsewe wosi, na umendze myao dza vyo udzimendzavyo mwenye. Na kulunga mambo higa ni muhimu zaidi kuriko kulavya sadaka zosi za nyama na za kuocha nyama mzima kama hutakpwavyo ni Shariya.”

Johana 16:24

Hadi sambi tamdzangbwevoya chitu chochosi kpwa uwezo wangu. Phahi voyani namwi mundahewa, ili mkale na raha sana mwenu mioyoni.

Johana 21:17

Wamuuza tsona kano ya hahu, “Simoni, mwana wa Johana, unanimendza?” Petero wasikira utsungu kpwa kuuzwa kano tahu, “Unanimendza?” Naye achiamba, “Bwana, unamanya chila chitu, mana hata we mwenye unamanya kala nakumendza.” Jesu achimuamba, “Risa mangʼondzi gangu.

1 Johana 4:19

Swiswi hunamendza Mlungu na ayawehu, kpwa sababu Mlungu ndiye ariyeandza kuhumendza.

1 Samueli 1:26

Hana wamuamba Eli, “Ee bwana wangu, kama urivyo moyo, mimi ndimi yuya mchetu nriyeima phephi nawe, nchimvoya Mwenyezi Mlungu.