Zaburi 11:6 - Digo Bible

⁶ Iye andamwagira atu ayi makala ga moho na chibiriti avi ni mvula, andaatiya adabu na phuto ra dzoho kali.

Zaburi 11:6 ပူးပေါင်းရင်းမြစ်များ

Mwandzo 19:24

Ndipho Mwenyezi Mlungu achihenda Sodoma na Gomora kunye mvula ya moho wa chibiriti kula mlunguni.

Mwandzo 43:34

Chakurya kala chichihalwa mezani pha Yusufu na akahewa. Benjamini wahewa chakurya kano tsano ya chira cha ayae. Anwa, achirya vyakurya vinono-vinono na achifwahirwa phamwenga na Yusufu.

Ayubu 18:10

Andafwitsirwa lugbwe mtsangani, na kuhegbwa mo njirani.

Ayubu 18:15

Tamundakala chirichoche mo mwakpwe hemani chibiriti chindatsamulwa dzulu ya makaloge.

Ayubu 20:23

Phapho ndiphomvuna, Mlungu andamtiya adabu, na tsukizize zimmwagikire dza mvula.

Zaburi 105:32

Achiarehera mvula ya mawe na limeme richimeka kula pembe mwenga ya tsi hadi yanjina.

Zaburi 16:5

Mwenyezi Mlungu, uwe ndiye seemu yangu, na ndiwe unijaliyaye, mtalo wangu u salama mwako mikononi.

Zaburi 18:13

Chisha Mwenyezi Mlungu wapiga msindo ko mlunguni, iye Ariye Dzulu Kuriko Vyosi wakota kululu, na kuchinya mvula ya mawe na makala ga moho.

Zaburi 32:10

Atu ayi nkuphaha tabu nyinji, ela anaomkuluphira Mwenyezi Mlungu andazungulukpwa ni mendzwaye isiyosika.

Zaburi 75:8

Mwenyezi Mlungu akagbwira chikombe mkpwononi chi tele uchi mufu ufurikao fulo, uchiotsanganywa na vilungo, ambao ni tsukizi za Mlungu andaamwagira atu ayi na osi andaunwa, ee, andaunwa hadi tone ra mwisho.

Isaya 51:17

Lamuka! Ima uwe Jerusalemu, uwe wanwa chikombe kula mkpwononi mwa Mwenyezi Mlungu, chikombe cha tsukizize, wanwa hadi tone ra mwisho chikombe chihendacho atu adedeleke.

Isaya 51:22

Mwenyezi Mlungu, Mlungu wenu, akaniraye atue, anaamba, “Lolani, nkachiusa mwenu mikononi cho chikombe cha tsukizi zangu, chokuhendani mdedeleke namwi tamundachinwerera tsona.

Jeremia 13:25

Uhu ndio mtaloo nriokupangira, mimi Mwenyezi Mlungu nkaamba kpwa kukala ukaniyala na kukuluphira milungu ya handzo.

Ezekieli 13:13

Kpwa hivyo Mwenyezi Mlungu anaamba, ‘Kpwa tsukizi zangu nindarichira phuto kali na ndahenda mvula ya mawe. Na ndaireha mvula kulu na tsukizi za kubananga.

Ezekieli 38:22

Nami ndaamula kpwa makongo na kuaolaga. Nindareha mvula kulu, mvula ya mawe na moho wa chibiriti dzuluye na anajeshie, na dzulu ya mataifa manji garigo phamwenga naye.

Habakuki 2:16

Undaphaha waibu badala ya nguma. Ni zumaro kunwa cho chikombe na uonyese chitsahacho. Chikombe chiricho mkpwono wa kulume wa Mwenyezi Mlungu chikakufikira nawe undaphaha waibu badala ya nguma.

Luka 17:29

Ela siku Lutu ariphouka Sodoma, vidziwe vya chibiriti viakavyo moho kula mlunguni vyamwagika dza mvula na vichiaolaga osi.

Johana 18:11

Jesu achimuamba Petero, “Haka! Haka! Uyiza upangao chowani! Mateso higa nápangirwa ni Baba Mlungu, kpwadze gasiniphahe?”

1 Samueli 1:4

Chila siku ya kulavya sadaka iriphofika, Elikana wamupha mchewe Penina fungu mwenga ra nyama na fungu mwenga-mwenga kpwa anae osi alume kpwa achetu,

1 Samueli 9:23

Samueli achimuambira mpishi, “Rehe hira seemu ya nyama nriyokupha, nchikuambira, uyiike kanda.”