Zaburi 11:5 - Digo Bible

⁵ Mwenyezi Mlungu nkupima atu a haki na ayi iye anamena atu amendzao fujo.

Zaburi 11:5 ပူးပေါင်းရင်းမြစ်များ

Mwandzo 22:1

Bada ya gaga, Mlungu wamjeza Burahimu, achimuamba, “Burahimu!” Naye Burahimu achiihika achiamba, “Hee, himi!”

Zaburi 10:3

Atu ayi anadzilika kpwa mambo mai anagopanga kugahenda aroho analani na kumrema Mwenyezi Mlungu.

Zaburi 139:1

Uwe Mwenyezi Mlungu ukanichunguza nawe unanimanya vyo nrivyo.

Zaburi 17:3

Uwe ukanedzera usiku, ukanichunguza ukakuta sina uyi wowosi, mana nkaamuwa kusahenda dambi na kanwa yangu.

Zaburi 21:8

Mfalume andaagbwira avihae osi na mkpwonowe wa kulume undagbwira osi anaommena.

Zaburi 26:2

Nipima, ee Mwenyezi Mlungu, na unijeze, chunguza moyo wangu na nia yangu.

Zaburi 5:6

Uwe, ukuangamiza agombao handzo; Mwenyezi Mlungu nkuzira aolagadzi na atu a handzo.

Zaburi 7:9

Ee Mlungu wa haki, umanyaye siri za mioyo, na maazo ga atu, komesa fujo ra atu ayi na uimarishe enye haki.

Jeremia 12:8

Atu angu mwenye akanigalukira ananingurumira dza simba ko tsakani; kpwa hivyo naamena.

Jeremia 20:12

Ee Mwenyezi Mlungu, Mlungu wa majeshi, uchunguzaye enye haki, unayeona ulachu wa mutu na mutu aazavyo, nijaliya nione unavyoriphiza maadui gangu, mana chisa changu nikachiika mwako mikononi.

Zakariya 11:8

Mimi náusa arisa a hahu ndani ya mwezi mmwenga, mana siyaavumirira nao achikala akanimena.

Zakariya 13:9

Yo seemu mwenga ya tahu ya atu ndiorichwa moyo, nindaatiya mohoni niatsuse dza viratu mutu atsusavyo feza na moho, nindaajeza dza viratu zahabu ijezwavyo. Aho andanivoya, nami nindaajibu mavoyo gao. Mimi nindaamba, ‘Aho ni atu angu,’ nao andaamba, ‘Mwenyezi Mlungu ni Mlungu wehu.’ ”

Malaki 3:3

Iye andasagala dza mutu anayehumira moho kutsusa feza na zahabu. Andatsusa Alawi dza feza na zahabu ili amlavire Mwenyezi Mlungu sadaka za sawa.

Jakobo 1:12

Mutu ndiyevumirira majaribu na kushinda, andajaliwa na kuphaha zawadi ya uzima wa kare na kare. Mlungu walaga kuapha hinyu uzima wa kare na kare atu ammendzao.

1 Petero 1:7

Hipha sambi munagaya, ili kuluphiro renu ripimwe na kuonekana kukala ri sawa, dza viratu zahabu ipimwavyo kpwa kuhendaochwa na moho. Kumkuluphira Mlungu kuna mana zaidi kuriko zahabu, mana zahabu indabanangika. Kpwa hivyo Jesu Masihi andaapha nguma na ishima atue avumirirao hipho ndiphokpwedzadzionyesa wazi.

1 Petero 4:12

Asena angu, mateso mafu munagophaha ga kupima kuluphiro renu si chitu chisicho cha kawaida. Kpwa hivyo msikale avi tamuelewa kpwa utu wani munagaya.