Zaburi 10:5 - Digo Bible

⁵ Aho nkuongokerwa na chila ahendaro taaelewa hukumu za mlungu. Aho nkunyetera maadui gao.

Zaburi 10:5 ပူးပေါင်းရင်းမြစ်များ

Mwandzo 6:12

Mlungu wailola dunia na achiiona kukala ikabanangika kpwa mana chila mutu kala analunga njiraze mbii.

2 Samueli 5:6

Siku mwenga mfalume na atue aphiya Jerusalemu ili akapigane na Ajebusi, ambao kala achisagala mumo. Ajebusi amuambira Daudi, “Kundainjira himu bii, kpwa mana hata vipofu na viswere anaweza kukuzuwiya.” Kala anaona kukala Daudi kandaturya kuinjira himo.

1 Afalume 20:13

Na lola! Nabii mmwenga wamlunga Ahabu, mfalume wa Iziraeli achimuamba, “Mwenyezi Mlungu anaamba hivi: ‘Dze, ukauona uno unji wa atu hinya? Rero hino ndaatiya mwako mkpwononi nawe undamanya kukala mimi, ndimi Mwenyezi Mlungu.’ ”

Ayubu 24:23

Iye nkuahenda anaomuadamira akale salama, ela matsoge ganalola njira zao.

Zaburi 12:5

Ela Mwenyezi Mlungu anaamba, “Kpwa sababu achiya anaonerwa, na agayi anasononeka, ndaunuka, niaphahe usalama anaougodzera kpwa hamu.”

Zaburi 73:3

Mana kala naaonera wivu hinyo anaodzikarya niriphoona atu ayi anaongokerwa.

Misemo 1:19

Hivyo ndivyo njira za magaidi zirivyo, zinaausira uhai wao.

Misemo 15:24

Mutu wa achili njiraye inaphirika dzulu uzimani, ili aepuke njira ya kuinjira tsini mbirani.

Misemo 2:13

Atu arichao njira za kugoloka, ili atsupe na njira za jiza.

Misemo 2:15

atu ambao mahendo gao ni mai, na njira zao taziaminika.

Misemo 24:1

Usiaonere wivu atu ayi, wala usikale na hamu ya kukala phamwenga nao.

Isaya 10:1

Shaka hiro kpwa hinyo atengezao shariya zisizo za haki, na aandikao amuri za kuonera atu

Isaya 26:11

Uwe Mwenyezi Mlungu ukaaunurira mkpwonoo ili uatiye adabu, ela taauona. Ariche aone vira unavyoamendza atuo na agbwirwe ni haya. Moho urioikira maaduigo nauaoche.

Isaya 28:15

Mwimwi munadzikarya, munaamba, “Hukahenda chilagane na chifo, hukaphahana na kuzimu. Shaka kulu richitsupa, tarindahuguta, mana hukahenda handzo rikale chimbiriro rehu. Na kuchenga kukale phatu pha kudzifwitsa.”

Isaya 42:25

Kpwa sababu iyo achiatiya adabu kpwa tsukizize kali, achiaricha apigbwe vihani. Tsukizize zaaka chila uphande dza moho, ela taayaelewa wala taayagatiya manani.

Isaya 5:12

Kpwenye karamu zao ana ngephephe na chinanda, tamburini, chivoti na uchi. Ela taajali mahendo ga Mwenyezi Mlungu wala kuona kazi za mikonoye.

Hosea 14:9

Mutu yeyesi ariye na ikima naaelewe, na hiye awezaye kutambuwa naamanye maneno gaga, mana njira za Mwenyezi Mlungu ni za haki, na enye haki andazilunga, ela aasi andakpwala agbwe mo njirani.

Hosea 9:9

Azidi kuhenda mai dza akare aho arivyohenda hiko Gibeya. Mlungu andagatambukira go makosa gao, naye andaatiya adabu kpwa ajili ya dambi zao.

Arumi 3:16

Chila phatu aphiyapho, kazi yao ni kuolaga na kugayisa atu.

Aamuli 9:27

Bada ya kukala akaphiya mindani kuhunda zabibu na kuziminya, ahenda sharee. Sharee iyo aihenda ndani ya nyumba ya mlungu wa nyo mudzi. Atu phokala akarya na kunwa uchi, aandza kumlani Abimeleki.

Aamuli 9:38

Ndipho Zebuli achimuamba Gaali, “Kudzikaryako kuphaphi vino, uwe yeamba, ‘Abimeleki ni ani hata humuhumikire?’ Higa ni go majeshi urigogabera. Tuluka vivi sambi ukapigane nago.”