Zaburi 1:1 - Digo Bible

¹ Baha mutu asiyelunga mashauri ga atu ayi, asiyegbwira njira za enye dambi, wala kasagala kpwenye vikalo vya atu a matani.

Zaburi 1:1 ပူးပေါင်းရင်းမြစ်များ

Mwandzo 49:6

Mimi sindakala phamwenga na njama zenu, wala kudziunga mwenu mikutanoni. Mana mwaolaga atu kpwa tsukizi zenu, na mvumbo zenu ni kukata ngʼombe magulu.

Mwandzo 5:24

Enoko wakala na uhusiano mnono na Mlungu. Naye kayaonekana tsona mana Mlungu wamuhala.

1 Afalume 16:31

Tsona, zaidi ya kulunga dambi za Jeroboamu mwana wa Nebati, Ahabu walóla Jezebeli mwana mchetu wa Ethibaali mfalume wa Asidoni. Ahabu piya wamuhumikira na kumuabudu Baali.

2 Nyakati 22:3

Hiyu naye walunga njira za nyumba ya Ahabu kpwa mana kala anashauriwa ni nine ahende mai.

Ayubu 10:3

Kpwani, unafwahirwa ni ko kunionera, kubera yo kazi ya mikonoyo? Au unahamirwa ni mipango ya atu ayi?

Ayubu 21:16

Dze, kuongokerwa kpwao taku mwao mikononi? Ushauri wa atu ayi u kure nami.

Ayubu 31:5

Ichikala nkaishi kpwa kugomba handzo, na kukala maironi kuchenga atu.

Zaburi 1:6

Mana Mwenyezi Mlungu nkulola njira za enye haki; ela njira ya atu ayi indaalongoza kpwenye ubanangi.

Zaburi 106:3

Baha aho anaohenda haki, anaohenda garigo sawa wakati wosi!

Zaburi 112:1

Haleluya. Mwenyezi Mlungu naatogolwe. Baha mutu amuogophaye Mwenyezi Mlungu, mutu ahamirwaye ni malagizoge.

Zaburi 119:115

Niukirani, mwi muhendao mai, ili niweze kulunga malagizo ga Mlungu wangu.

Zaburi 144:15

Ana raha hinyo ndiojaliwa na mambo dza higa! Ana raha hinyo ambao Mlungu wao ni Mwenyezi Mlungu!

Zaburi 146:5

Baha iye aterywaye ni Mlungu wa Jakobo, amkuluphiraye Mwenyezi Mlungu, Mlunguwe,

Zaburi 146:9

Mwenyezi Mlungu nkuarinda ajeni, iye nkuapha kuluphiro magungu na anachiya ela mipango ya mutu mui nkuibananga.

Zaburi 2:12

Msujudiyeni, sedze akatsukirwa, namwi mkafwa kabila ya wakati, mana tsukizi za Mlungu ni za phephi. Ela atu amchimbirirao Mlungu, aajaliwa.

Zaburi 26:12

Niimire phatu pha kugbwa, nindamtogola Mwenyezi Mlungu kahi za mkpwutano mkpwulu.

Zaburi 34:8

Tatani muone vira Mwenyezi Mlungu arivyo mnono. Baha mutu anayemchimbirira iye.

Zaburi 36:4

Nkupanga mai hata pho phakpwe chitandani gosi akusudiyago ni mai naye kaaza kuricha kuhenda mai.

Zaburi 64:2

Nifwitsa na njama za atu ayi, na ujanja wa atu ahendao mai.

Zaburi 81:12

Kpwa hivyo nchiarichira alunge mioyo yao mifu, alunge mashauri gao enye.

Zaburi 84:12

Ee Mwenyezi Mlungu, Mlungu wa majeshi, baha hiye akukuluphiraye.

Misemo 1:15

Mwanangu, usiphiye nao tse! Zuwiya chigulucho usialunge.

Misemo 1:22

“Mwi msiomanya! Mnalonda kusamanya hadi rini? Na mwi enye chibero, mundamendza kubera hata rini? Namwi apumbavu! Mundazira marifwa hadi rini?

Misemo 13:15

Mutu wa achili nkukubalika, ela njira atsupirayo mutu asiye muaminifu nkumphirika kpwenye maangamizi.

Misemo 13:20

Mutu alunganaye na atu enye ikima naye andakala na ikima, ela alunganaye na azuzu andaphaha hasara.

Misemo 19:29

Atu a chibero andatiywa adabu na mongo wa mzuzu u tayari na kupigbwa.

Misemo 2:12

Gago gandakutenga na njira za uyi, na atu a maneno ga kuangamiza.

Misemo 3:34

Iye nkubera enye chibero, ela nkuonera mbazi a pole.

Misemo 4:19

Nayo njira ya atu ayi ni dza chilungulungu cha jiza, taamanya akpwalacho.

Misemo 9:12

Uchikala una ikima indakufwaha we mwenye, unaphoibera undaphaha hasara we mwenye.”

Jeremia 15:17

Siyasagala phamwenga na anao kusherekeya, wala kuhenda kuhamirwa phamwenga nao, násagala machiyangu, mana mkpwonoo kala u phamwenga nami, mana kala ukaniodzaza tsukizizo.

Jeremia 17:7

Waajaliwa mutu amkuluphiraye Mwenyezi Mlungu, ambaye kuluphirore ni Mwenyezi Mlungu.

Ezekieli 20:18

“ ‘Nami nchiambira ana aho ko jangbwani, “Msilunge malagizo na mila za sowe zenu, wala kudzitiya najisi kpwa vizuka vyao.

Mathayo 16:17

Naye Jesu achimuamba, “Waajaliwa Simoni mwana wa Jona, mana higo ugombago si mwanadamu achiyekumanyisa, ela ni Baba ariye mlunguni.

Luka 11:28

Ela Jesu achimuamba, “Ni kpweli, ela ario na raha zaidi ni hinyo asikirao ujumbe wa Mlungu na akaukubali!”

Johana 13:17

Na kpwa vira mnamanya mambo higa, phahi mchigalunga mundaajaliwa.

Johana 20:29

Achiambwa, “Ukaamini kpwa sababu ukaona? Andajaliwa atu ambao taonere ela anaamini.”

Arumi 5:2

Kpwa sababu ya kumkuluphira Jesu, Mlungu wahujaliya na manono gosi, na vivi anaenderera kuhujaliya. Phahi hunaonato sana mana hunaamini hundakala phamwenga na Mlungu phatuphe pha nguma.

Aefeso 6:13

Kpwa hivyo halani silaha zosi za viha mhewazo ni Mlungu, ili hata viha vichichacha msiturywe, na mwisho viha vichisira, mdine.

Kumbukumbu 14:6

na chila nyama ambaye makpwatsage gaganyika seemu mbiri na anatserura.

Kumbukumbu 33:29

Baha mwimwi Aiziraeli. Ni ani ariye dza mwimwi, atu muriotivywa ni Mwenyezi Mlungu, ambaye ndiye ngao na msada wenu, na mufyu unaoarehera ushindi! Maadui genu gandakpwedza gbwa maguluni mbere zenu, namwi mundagavyoga-vyoga.”

1 Petero 4:3

Hipho kare mwalunga tamaa zenu mbii za kumendza achetu ama alume anji na za kunwa kutsapa chiasi. Tsona mwamendza sharee za kunwa uchi na kufwiha chimalaya, na kuvoya mizuka, dzambo rinaromtsukiza Mlungu zaidi. Mmanye kukala mwalunga vya kutosha masagazi ga atu asiommanya Mlungu, wala taina haja muenderere tsona kuhenda hivyo.

Maono 22:14

Baha atu afulao kandzu zao na kuzitsusa, ili aphahe ruhusa ya kuinjira nyo mudzi muphya kutsupira miryangoye na arye matunda ga muhi urehao uzima.