Wira wa Selemani 7:5 - Digo Bible

⁵ Chitswacho chaima dza mwango Karimeli. Nyerezo nyire, nyiru na za kunyinyiha hata mfalume anahamirwa ni unonowe.

Wira wa Selemani 7:5 ပူးပေါင်းရင်းမြစ်များ

Mwandzo 32:26

Chisha yuya mutu achiamba, “Nirichira niphiye mana kunacha.” Ela Jakobo achimuamba, “Sikurichira hadi unibariki.”

Zaburi 68:24

Vyarovyo vya ushindi, ee Mlungu, vinaonekana vyaro vya Mlungu wangu na mfalume wangu, kuelekeya phatakatifuphe.

Zaburi 87:2

Mwenyezi Mlungu anamendza maryango ga Sayuni, kuriko makalo gosi ga Jakobo.

Misemo 5:19

Ni mnono na anafwahira dza kulungu, nyahoze zikutoshe wakati wosi, mahabage gakuliwaze chila mara.

Wira wa Selemani 1:17

Nguzo za nyumba yehu ni muhi uihwao muerezi, na maphaluge ni ga miboreshi.

Wira wa Selemani 4:1

Aa, u mnono wende wangu! Aa u mnono! Matsogo ni dza ga njiya unapholola kula ndani ya mtandiyoo wa kulangala. Nyerezo ni nyiru na zikatserera mafuzini dza chaa cha mbuzi chitsereravyo mavoromoko ga Giliadi.

Wira wa Selemani 4:4

Singoyo ilaini na ichidengelesa dza mnara wa Daudi na mkpwufuo ni dza ngao elufu mwenga za masujaa chizotsomekpwa kpwenye nyo mnara.

Wira wa Selemani 5:11

Usowe waumbika vinono dza zahabu swafi. Nyereze ni za likophya, nyiru pipipi dza nyoya za kunguru.

Isaya 35:2

Tsi zirizo weru, zindabumula dza maruwa na kuimba mawira ga raha. Zindaodzala mihi dza mwango wa Lebanoni na kukala nono dza mwango wa Karimeli au Dete ra Sharoni. Atu andaona mahendo manono ga Mwenyezi Mlungu, mambo makulu anagohenda Mlungu wehu.

Mika 7:14

Longoza atuo dza mrisa amanyiriravyo mifugo kuhumira fwimboye, hinyo ario dza mifugo ya urisio. Aho asegere tsakani machiyao, kpwenye tsi ambayo taidzangbwerimwa, ichiyozungulukpwa ni marisa manono. Ariche akasagale tsi ya rutuba ya Bashani na Giliadi, dza arivyohenda hipho mwandzo.

Isabu 21:26

Heshiboni wakala ni mudzi mkpwulu wa Sihoni, mfalume wa Aamori. Sihoni kala akapigana na mfalume mmwengawapho ariyetawala Moabu na achiihala tsiiye yosi hadi muho wa Arinoni.

Mathayo 18:20

Kpwa mana atu airi ama zaidi achikala phamwenga kpwa sababu ni afuasi angu, nami ndakala phamwenga nao.”

Mathayo 28:20

mkaafundze alunge chila chitu nrichokulagizani. Hakika nami ndakala phamwenga namwi siku zosi, hadi mwisho wa dunia.”

Aefeso 1:22

Mlungu wamupha uwezo wa kutawala chila chitu. Chisha achimuhenda akale chitswa cha afuasie,

Akolosai 1:18

Analongoza atu amukuluphirao dza viratu chitswa chilongozavyo mwiri. Ndiye chandzo cha maisha maphya ga atue. Tsona ni mkpwulu wa atu osi ndiofufulwa na kuishi hata kare na kare. Phahi Jesu ni mtawala mkpwulu wa chila chitu tsetsetse.

Akolosai 2:19

Waricha kufundza mafundzo ga kpweli na kalongozwa tsona ni Jesu, ambaye analongoza atue dza viratu chitswa chilongozavyo mwiri. Jesu nkuunganisha atue phamwenga, na akaapha nguvu dza viratu kano ziphavyo mwiri nguvu. Atue asiphogbwirana naye taaphera chiroho vira Mlungu amendzavyo.

Maono 1:14

Nyereze kala ni nyereru dza pamba ama bafuta, na matsoge kala ni dza jimbijimbi ra moho.