Wira wa Selemani 5:2 - Digo Bible

² Kala nrere, ela moyo wangu uchikala matso. Nchisikira wende wangu anabisha hodi mryangoni. “Nivugurira, mwenehu mchetu, wende wangu, njiya wangu, wangu ambaye kuna ila. Mana chitswa changu chinadoda manena, na nyere zangu zinazizima kpwa sababu ya guro ra usiku.”

Wira wa Selemani 5:2 ပူးပေါင်းရင်းမြစ်များ

Mwandzo 29:20

Phahi Jakobo wahenda kazi miaka sabaa kpwa alóle Raheli, ela waiona kama siku chache tu, kpwa vira arivyokala anammendza Raheli.

Zaburi 119:1

Baha atu ambao njira zao tazina lawama, atu alungao shariya za Mwenyezi Mlungu!

Zaburi 81:10

Mimi, ndimi Mwenyezi Mlungu, Mlunguo, niriyekulavya kula tsi ya Misiri. Vugula kanwayo nami ndakurisa.

Misemo 23:26

Mwanangu, niphundza kpwa makini, moyoo nahufwairwe nkuiga maisha gangu.

Wira wa Selemani 1:16

Wende wangu, uwe piya u mnono, tsona u mnono haswa. Na phatu phehu pha kudziambalaza phana nyasi mbitsi.

Wira wa Selemani 2:10

Wende wangu wagomba nami achiniamba, “Unuka, wende wangu, wangu uriye mnono, ndzo huphiye vyehu!

Wira wa Selemani 2:14

Aa njiya wangu, udzifwitsaye kpwenye panga za mawe hebu nione usoo mnono. Hebu nisikire rakaro ra kuvutiya mana rakaro rinapendeza na usoo ni mnono.

Wira wa Selemani 2:8

Nasikira raka ra wende wangu, lola, hiyu aredza anaambuka myango na kuteremuka vidzangoni mairo.

Wira wa Selemani 3:1

Usiku phangu chitandani námuaza iye wangu wa moyoni. Námuaza ela kedzere.

Wira wa Selemani 4:7

Chila chitu kukuhusu nchinono, wende wangu; unonoo tauna ila.

Wira wa Selemani 4:9

Mwenehu mchetu, wende wangu, moyo wangu ukaumala. Ukaumala kpwa kunilola limwenga tu, ukanimala kpwa mkpwufu mmwenga uchiovwala.

Wira wa Selemani 5:11

Usowe waumbika vinono dza zahabu swafi. Nyereze ni za likophya, nyiru pipipi dza nyoya za kunguru.

Wira wa Selemani 5:6

Nchimvugurira wende wangu, ela wende wangu kala akagaluka na kuuka, moyo wangu uchikata tamaa ariphouka, nchimuendza, ela simuonere, nchimuiha, ela kayaihika.

Wira wa Selemani 6:9

Ela njiya wangu a kamili, iye ni wa chimacheye. Iye ni mwana mchetu wa macheye kpwa nine, ndiye chipendzi cha ye ariyemvyala. Asichana amuona nao achiamba, “Lolani arivyojaliwa!” Malikia na anachetu piya alika unonowe.

Wira wa Selemani 7:9

Madonerigo ganahama dza uchi wa mtswano. Uchi uho naumuinjire wende wangu, ujere phakpwe madomoni hadi menoni.

Wira wa Selemani 8:7

Ela vidzuho vya madzi taviweza kuzimya moho wa mendzwa, hata myuho mikulu taiweza kuuzimya. Ichikala mutu angehumira maliye yosi kugula mendzwa, atu angemʼbera tsetsetse!

Isaya 50:6

Aho ariokala ananipiga naarichira mongomongo, na aho ariokala anamwafula nyere za cheru nchiarichira mafunda. Siyaafwitsira uso wangu ariokala ananifyorera na kunitehera mahe.

Isaya 52:14

Atu anji ariomuona aangalala. Usowe na umbore kala rikabanangbwa-banangbwa, hata achikala kamanyikana kukala ni mwanadamu.

Danieli 8:18

Ariphokala acheregomba, nágbwirwa ni usingizi wa fungo kuno nrere chimabumabu. Ela ye achinigbwira achiniimisa.

Zakariya 4:1

Ye malaika yekala akagomba nami wauya achedzanilamusa avi kala nirere.

Mathayo 7:8

Mana avoyaye nkuhewa, aendzaye nkuphaha, na apigaye hodi nkuvugurirwa.

Mathayo 8:17

Phahi gosi higa gahendeka ili ritimiye rira neno rogombwa ni nabii Isaya, roamba, “Wahuusira unyonje wehu na makongo gehu.”

Mariko 1:35

Siku ya phiriye, chimirimiri kabila ya atu kulamuka, Jesu watuluka achiphiya phatu kanda macheye achendavoya.

Luka 22:44

Ela wasikira utsungu sana rohoni na achivoya Mlungu kpwa chadi zaidi. Achituluka jasho, na richitwena photsi dza matone makulu ga mlatso.

Luka 6:12

Siku mwenga Jesu waphiya gambani kpwendavoya Mlungu. Wakala kuko usiku kucha kuvoya.

Luka 9:32

Wakati hinyo Petero na ayae kala anasenukira, ela ariphongʼaza matso, aona Jesu anangʼala ajabu, naye kala aimire na hara airi.

Johana 10:4

Naye achituluza mangʼondzige gosi kuphiya marisani, nkutsupa mbere, nago nkumlunga-lunga, mana ganamanya kauliye.

Agalatia 2:20

Siye mimi niishiye tsona, ela Jesu anaishi mwangu moyoni. Vivi naishi kpwa kumkuluphira hiye Mwana wa Mlungu, ariyenimendza hata achidzilavya ili afwe kpwa sababu yangu.

Aefeso 5:14

Mwanga ndio uhendao vitu vionekane. Ndiyo mana atu nkuamba: “Lamuka we urereye! Ngʼalwa ni matso, wala usikale dza lufu. Naye Jesu andakungʼazira.”

Maono 14:4

Atu aha ni aratu alungao Mwana ngʼondzi kokosi aphiyako, na ni atu ambao kala taadzangbwedzitiya najisi kpwa kuonana chimwiri na achetu. Atu aho akombolwa kula kpwa anadamu, nao achilaviwa kama sadaka ya mavuno ga mwandzo kpwa Mlungu na Mwana ngʼondzi.

Maono 3:20

Hebu phundzani! Mino niimire mryangoni ninapiga hodi. Mutu ndiyenisikira achinivugurira, nindainjira mwakpwe nyumbani na hurye hosi.

Maono 3:4

Ela kuna afuasi achache ko Saridi ambao taagalunga higo mahendo ga dambi. Phahi andakala phamwenga nami nao andavwikpwa nguwo nyereru, mana atu hinyo anafwaha.