Wira wa Selemani 4:4 - Digo Bible

⁴ Singoyo ilaini na ichidengelesa dza mnara wa Daudi na mkpwufuo ni dza ngao elufu mwenga za masujaa chizotsomekpwa kpwenye nyo mnara.

Wira wa Selemani 4:4 ပူးပေါင်းရင်းမြစ်များ

2 Samueli 1:21

Mwino myango ya Giliboa, dzulu yenu kusikalepho manena wala mvula, wala minda ivyalayo chitu. Mana kuko ngao za masujaa zatiywa najisi, ngao ya Sauli, taindapakpwa mafuha tsona.

2 Samueli 22:51

Mlungu nkumupha mfalumewe ushindi mkpwulu, na kumuonyesa mendzwa isiyosika hiye mmwagirwa mafuhawe, yani Daudi na chivyaziche hata kare na kare.”

Nehemia 3:19

Seemu yolungira yokala inalolana na nyumba ya kuikira silaha za viha, yarekebishwa ni Ezeri mwana wa Jeshuwa chilongozi wa Mizipa, kpwenderera hadi pho pembe ya ukuta.

Zaburi 144:12

Ana ehu a chilume na aajaliwe katika uvulana wao akule dza mimea ikulayo ikaphera, na ana ehu a chichetu akale dza nguzo za pembeni chizokatwa vinono ili kudzengera dzumba ra mfalume.

Wira wa Selemani 1:10

Mafundago mmanono na vipuli uchivyovwala vikakuajira, na singoyo nono ikaajirwa ni mkpwufu uchiovwala.

Wira wa Selemani 7:4

Singoyo yagoloka dza mnara wa pembe za ndzovu. Matsogo ganangʼala dza vidibwa vya madzi ga Heshiboni, virivyo kanda-kanda ya ryango riihwaro Bathi-Rabimu. Pulayo yaima dza mnara wa Lebanoni, mnara ulolao uphande wa Damasikasi.

Wira wa Selemani 7:5

Chitswacho chaima dza mwango Karimeli. Nyerezo nyire, nyiru na za kunyinyiha hata mfalume anahamirwa ni unonowe.

Wira wa Selemani 8:10

Mimi nákala dza ukuta, na nyaho zangu kala zikaima dza minara! Kpwa hivyo wende wangu anaphonilola anaphaha amani na anaona kukala nkatosheka.

Mika 4:8

Na hiko Jerusalemu ambako Mwenyezi Mlungu anarinda atue, dza mrisa arindavyo mifugoye kula mnara wa urindzi, kundakala tsona mudzi mkpwulu wa ufalume wa Iziraeli. Mwango wa mwana mchetu wa Sayuni, undauyizirwa utawalao wa kare, yani ufalume wa mwana mchetu wa Jerusalemu.”

Akolosai 2:19

Waricha kufundza mafundzo ga kpweli na kalongozwa tsona ni Jesu, ambaye analongoza atue dza viratu chitswa chilongozavyo mwiri. Jesu nkuunganisha atue phamwenga, na akaapha nguvu dza viratu kano ziphavyo mwiri nguvu. Atue asiphogbwirana naye taaphera chiroho vira Mlungu amendzavyo.

1 Petero 1:5

Majaliwa higa ni genu mwimwi ambao kuluphiro renu rinakuhendani mrindwe kpwa uwezo wa Mlungu, hadi mundiphotivywa kama Mlungu arivyopanga kuhenda siku ya mwisho.