Wira wa Selemani 3:7 - Digo Bible

⁷ Lolani, ni Selemani anarehwa akaunulwa dzulu kpwenye kochire chiropambwa na mapaziya, masujaa mirongo sita akamzunguluka, Aiziraeli amanyao viha.

Wira wa Selemani 3:7 ပူးပေါင်းရင်းမြစ်များ

1 Afalume 14:27

Naye mfalume Rehoboamu achitengeza ngao za shaba badalaye na achizipha akulu a arindzi ariorinda mryango wa nyumba ya mfalume.

1 Afalume 9:22

Ela kahi ya Aiziraeli, Selemani kayahenda mutu hata mmwenga kukala mtumwa. Aiziraeli amuhumikira kpwa kukala asikari, vilongozi, majemadari, akulu, aimirizi a magarige ga kuvwehwa ni farasi na anajeshi akuhumira farasi.

2 Afalume 6:17

Chisha Elisha achivoya; “Mwenyezi Mlungu, mvugule matso ili aphahe kuona!” Phahi, Mwenyezi Mlungu achimvugula matso yuya mtumishi, achiona farasi na magari ga kuvwehwa ni farasi ga moho gakagota mwango wosi, kumzunguluka Elisha.

Nehemia 4:13

Ela nchiika atu ariokala na panga zao, mafumo gao na maha gao nyuma ya nyo ukuta kpwenye seemu zokala fupi na zokala wazi ili azirinde. Nyo atu naapanga kulengana na mbari zao.

Wira wa Selemani 1:16

Wende wangu, uwe piya u mnono, tsona u mnono haswa. Na phatu phehu pha kudziambalaza phana nyasi mbitsi.

Wira wa Selemani 3:6

Ni ani yuya edzaye kula jangbwani? Ambaye anaonekana dza ingu ra mosi rinarounuka, rinaronukia manemane na ubani phamwenga na chila aina ya manukato garehwago ni achuuzi.

Wira wa Selemani 3:8

Osi anamanya kuhumira upanga na ujuzi wa kupigana viha. Chila mmwenga ana upangawe chibiruni kumrinda mfalume na uvamizi wa usiku.

Wira wa Selemani 3:9

Mfalume Selemani watengezerwa kochi ra kutsukurirwa, richipambwa na paziya ratengezwa na mihi minono kula Lebanoni.

Aeburania 1:14

Kpwa hivyo malaika ni utu wani? Ni roho ambazo zinamhumikira Mlungu, naye nkuzihuma zichahumikira hara ambao andativywa.

1 Samueli 14:52

Phahi siku zosi Sauli ariphokala mfalume kpwakala na viha vikali sana kahi ya Aiziraeli na Afilisti. Naye Sauli chila ariphomuona mutu yeyesi yekala hodari au sujaa wamuhala achimuhenda mmwenga wa anajeshie.

1 Samueli 28:2

Daudi naye achimjibu achiamba, “Uchivyogomba ni sawa kabisa nawe undadzionera mwenye vira mtumishio anavyoweza kuhenda.” Akishi achimuamba Daudi, “Ichikala unaweza kuhenda vivyo phahi ndakuhenda mrindzi wangu wakati wosi.”

1 Samueli 8:16

Andahala atumishi enu a chilume na achetu, ngʼombe zenu nono sana na punda enu naye aahumire kpwa kazize mwenye.