Wira wa Selemani 2:9 - Digo Bible

⁹ Wende wangu ana mairo dza chiphala ama chidzisa. Lola! Hiye aimire nyuma ya ukuta wehu, anatsungurira na dirishani anatsungurira kutsupira paziya ya kulangala.

Wira wa Selemani 2:9 ပူးပေါင်းရင်းမြစ်များ

2 Samueli 2:18

Ana ahahu a Seruya kala a hiko, Joabu, Abishai na Asaheli. Hiye Asaheli kala ana mairo dza chiphala.

Misemo 5:19

Ni mnono na anafwahira dza kulungu, nyahoze zikutoshe wakati wosi, mahabage gakuliwaze chila mara.

Misemo 6:5

Phatsula upesi dza chiphala kula mikononi mwa muindza, dza nyama wa mapha aphatsulavyo agbwirwapho ni muhego.

Misemo 7:6

Siku mwenga kpwenye dirisha ra nyumba yangu, natsungurira kondze kpwenye paziya ya kulangala.

Wira wa Selemani 1:16

Wende wangu, uwe piya u mnono, tsona u mnono haswa. Na phatu phehu pha kudziambalaza phana nyasi mbitsi.

Wira wa Selemani 2:17

hadi dzuwa ritswe na vivuri-vuri viangamike. Uya mairo dza chiphala wende wangu, dza chidzisa kpwenye mavoromoko ga myango.

Wira wa Selemani 2:7

Niapirani mwimwi achetu a Jerusalemu, kpwa kuhadza chiphala na kulungu a hiko weruni kukala tamundalamusa wala kugondomola mkpwatyo hadi wakatiwe ufike.

Wira wa Selemani 3:5

Niapirani mwimwi achetu a Jerusalemu, kpwa kuhadza chiphala na kulungu a hiko weruni kukala tamundalamusa wala kugondomola mkpwatyo hadi wakatiwe ufike.

Wira wa Selemani 8:14

Henda wangbwi, wende wangu, mairo dza ga chiphala, ama chidzisa, dzulu ya vidzango ambako vilungo nkumera!

Luka 24:35

Alafu nao hara afuasi airi achieleza gachigohendeka hiko njirani, na vira achivyomtambukira Jesu achiphomega-mega bofulo.

Johana 12:41

Isaya wagomba higa kpwa sababu waona ukulu wa Jesu, ndipho achigomba kumuhusu.

Johana 5:39

Mnadzifundza sana Maandiko kpwa sababu munaona ndigo ndigokuphani uzima wa kare na kare. Ela Maandiko genye gananishuhudiya mimi!

Johana 5:46

Kalapho mwamuamini Musa, hata mimi piya mngeniamini, kpwa sababu Musa waandika kunihusu.

1 Akorintho 13:12

Mana hipha sambi hunaona mambo chiwiriwiri dza chilolo ambacho tachionyesato, chisha badaye hundaona chila chitu chingʼangʼa. Sambi namanya chidide, ela badaye nindamanya chikamilifu dza viratu Mlungu animanyavyo.

Akolosai 2:17

Mila hizi ni alama ambazo Mlungu waapha Ayahudi hipho kare ili kuamanyisa mambo ndigokpwedza badaye. Ela sambi Jesu wakpwedza na ndiye ahuokolaye.

Aeburania 10:1

Shariya za Musa ni mfwano wa mambo manono ambago garedza, ela sigo higo mambo genye. Shariya hizo na sadaka ambazo ni lazima zilaviwe chila mwaka, taziweza kutivya atu anaolunga Mlungu hata chidide.

Maono 19:10

Ndipho nádzibwaga chimabumabu maguluni pha yuya malaika ili nimuabudu, ela achiniamba, “Usihende hivyo bii! Mimi nami ni mtumishi dza uwe phamwenga na nduguzo amshuhudiyao Jesu. Uwe muabudu Mlungu bahi! Mana ushaidi wa Jesu ndio chandzo cha unabii wa chiroho.”

Aamuli 5:28

Nine wa Sisera watsungurira, watsungurira na dirishani, achilalama. ‘Kpwa utu wani garire ra kuvwehwa ni farasi rikachelewa? Mbona mvumo wa magarige ukachelewa kusikirika?’