Wira wa Selemani 2:7 - Digo Bible

⁷ Niapirani mwimwi achetu a Jerusalemu, kpwa kuhadza chiphala na kulungu a hiko weruni kukala tamundalamusa wala kugondomola mkpwatyo hadi wakatiwe ufike.

Wira wa Selemani 2:7 ပူးပေါင်းရင်းမြစ်များ

Mwandzo 49:21

Nafutali u dza kulungu awehaye huru, na ambaye anavyala ana anono.

Zaburi 18:33

Anahenda magulu gangu, gakale dza ga kulungu, na kuniwezesha niime kpwenye myango.

Misemo 5:19

Ni mnono na anafwahira dza kulungu, nyahoze zikutoshe wakati wosi, mahabage gakuliwaze chila mara.

Misemo 6:5

Phatsula upesi dza chiphala kula mikononi mwa muindza, dza nyama wa mapha aphatsulavyo agbwirwapho ni muhego.

Wira wa Selemani 1:5

Mwi achetu a Jerusalemu, mimi myawenu dzagbwe ni mwiru, ela ni mnono dzagbwe ni mwiru dza mahema kula Kedari au paziya za mahema ga Selemani.

Wira wa Selemani 2:17

hadi dzuwa ritswe na vivuri-vuri viangamike. Uya mairo dza chiphala wende wangu, dza chidzisa kpwenye mavoromoko ga myango.

Wira wa Selemani 2:9

Wende wangu ana mairo dza chiphala ama chidzisa. Lola! Hiye aimire nyuma ya ukuta wehu, anatsungurira na dirishani anatsungurira kutsupira paziya ya kulangala.

Wira wa Selemani 3:5

Niapirani mwimwi achetu a Jerusalemu, kpwa kuhadza chiphala na kulungu a hiko weruni kukala tamundalamusa wala kugondomola mkpwatyo hadi wakatiwe ufike.

Wira wa Selemani 5:16

Manenoge ga mtswano, na chila chitu kumuhusu chinavutiya. Hivi ndivyo wende wangu na msena wangu arivyo, mwimwi achetu a Jerusalemu.

Wira wa Selemani 8:14

Henda wangbwi, wende wangu, mairo dza ga chiphala, ama chidzisa, dzulu ya vidzango ambako vilungo nkumera!

Wira wa Selemani 8:4

Niapirani mwimwi achetu a Jerusalemu, kukala tamundalamusa wala kugondomola mkpwatyo hadi wakatiwe ufike.

Habakuki 3:19

Mwenyezi Mlungu ndiye nguvu yangu, iye nkuhenda magulu gangu gakale dza ga kulungu, tsona nkunihenda ninyendeke myangoni.

Mathayo 26:63

Ela Jesu wanyamala zi. Mlavyadzi-sadaka Mkpwulu achimuamba, “Nakulagiza kpwa Mlungu ariye moyo ugombe kpweli, huambire ichikala uwe ndiwe Masihi, yani Mwana wa Mlungu!”