Wira wa Selemani 1:5 - Digo Bible

⁵ Mwi achetu a Jerusalemu, mimi myawenu dzagbwe ni mwiru, ela ni mnono dzagbwe ni mwiru dza mahema kula Kedari au paziya za mahema ga Selemani.

Wira wa Selemani 1:5 ပူးပေါင်းရင်းမြစ်များ

2 Akorintho 5:21

Jesu kayahenda dambi hata chidide! Ela Mlungu wamuhenda avi kala ana dambi, ili kpwa kuungana naye ariphofwa huphahe kukala na haki ya Mlungu.

Luka 15:22

Ela ise achiaambira ahendadzi-kazie, ‘Upesi kahaleni kandzu nono mumvwike, piya muhale pete na virahu mumvwike.

Wira wa Selemani 5:16

Manenoge ga mtswano, na chila chitu kumuhusu chinavutiya. Hivi ndivyo wende wangu na msena wangu arivyo, mwimwi achetu a Jerusalemu.

Wira wa Selemani 5:8

Niapirani mwimwi achetu a Jerusalemu, kukala muchimuona wende wangu, mundamuambira kukala ni mnyonje kpwa mendzwa.

Wira wa Selemani 2:14

Aa njiya wangu, udzifwitsaye kpwenye panga za mawe hebu nione usoo mnono. Hebu nisikire rakaro ra kuvutiya mana rakaro rinapendeza na usoo ni mnono.

Wira wa Selemani 2:7

Niapirani mwimwi achetu a Jerusalemu, kpwa kuhadza chiphala na kulungu a hiko weruni kukala tamundalamusa wala kugondomola mkpwatyo hadi wakatiwe ufike.

Zaburi 120:5

Shaka hiro, kukala mimi nisagala Mesheki dza mjeni, kukala naishi kahi za mahema ga Kedari!

Arumi 13:14

Ela phahi katika mambo gosi longozwani ni Bwana Jesu Masihi, wala msikubali kutimiza tamaa zenu mbii.

Luka 13:34

“Ee, mwi atu a Jerusalemu! Mkuolaga manabii na kuapiga mawe ariohumwa kpwenu. Mara ngaphi náaza kukuikani phamwenga dza kolo ra kuku rifwinikavyo anae mwakpwe maphani, ela mwi mwakahala!

Mathayo 22:11

“Ela mfalume ariphoinjira kulola hara ajeni, waona mutu mmwenga ambaye kala kavwarire nguwo ya arusi.

Mathayo 10:25

Phahi mwanafundzi naatosheke kukala dza mwalimuwe, na mtumishi dza tajiriwe. Ichikala mkpwulu wa nyumba anaihwa Belizebuli, dze hara atue, taandaihwa na madzina mai zaidi?

Ezekieli 16:14

Ngumayo ichienea kahi za mataifa ganjina kpwa sababu ya unonoo. Mana unonoo kala ukakamilika kpwa yo nguma niriyokupha, Mwenyezi Mlungu anaamba.

Isaya 61:10

Nindahamirwa sana kahi za Mwenyezi Mlungu, roho yangu indashangiliya kahi ya Mlungu wangu, mana akanibwiningiza vwazi ra wokofu, akanivwika vwazi ra haki, dza viratu bwana harusi adzipambavyo na chiremba chinono dza cha mlavyadzi-sadaka, dza bibi harusi adzipambavyo na vitu vya samani.

Isaya 60:7

Vyaa vyosi vya Kedari vindakusanyika ko kpwako, maturume kula Nebayothi undagahumira, gandakubalika dza sadaka dzulu ya phatu pha kulavira sadaka, nami ndaipamba nyumba yangu ya nguma.

Wira wa Selemani 6:4

Wende wangu, uwe u mnono dza mudzi wa chifalume wa Tirisa, u mnono dza Jerusalemu, uwe unavutiya dza anajeshi chiogbwira bendera.

Wira wa Selemani 4:3

Madomogo ni dza chitambaa cha rangi ya kundu. Na mromoo, ukaajiza. Mafundago ni dza cheche mbiri za komamanga ndani ya mtandiyoo.

1 Johana 3:1

Ririkanani vira Baba Mlungu arivyohumendza hata hunaihwa anae. Na kpweli hu anae, ela atu a dunia hino higo taanago, mana taamanya Mlungu.

Aefeso 5:26

Wafwa ili atakase atue na ubatizo kpwa kuhumira nenore, na kuatenga

Agalatia 4:26

Ela Sara, ambaye siye mtumwa, wafwananishwa na Jerusalemu yanjina ya mlunguni. Naye ni dza mayo wehu. Naswi hu arisi a iyo Jerusalemu ya mlunguni, kusiko atumwa.

Isaya 53:2

Mana iye mtumishi wakula dza mutse mtsanga, na dza muzi kahi ya tsi kavu. Iye kana umbo au unono, ili huchimlola hummendze.

Wira wa Selemani 8:4

Niapirani mwimwi achetu a Jerusalemu, kukala tamundalamusa wala kugondomola mkpwatyo hadi wakatiwe ufike.

Wira wa Selemani 3:10

Mihi ya kutsukurira ro kochi yapakpwa feza, phatu pha kugandamira phapakpwa zahabu. Mitoye ya kusagarira yakala ya rangi ya zambarau, na himo ndani muchikala mukapambwa marembo ga kupendeza ni asichana a Jerusalemu.

Wira wa Selemani 3:5

Niapirani mwimwi achetu a Jerusalemu, kpwa kuhadza chiphala na kulungu a hiko weruni kukala tamundalamusa wala kugondomola mkpwatyo hadi wakatiwe ufike.

Zaburi 149:4

Mana Mwenyezi Mlungu nkuhamirwa ni atue, naye nkuapha anyenyekevu ushindi.

Zaburi 90:17

Unono wa Mwenyezi Mlungu, Mlungu wehu naukale dzulu yehu, na kazi za mikono yehu ziongokerwe. Ustawishe kazi za mikono yehu!

Zaburi 45:9

Ana achetu a afalume ni kahi ya hinyo anaokuchinjira, naye Malikia aimire uphandeo wa kulume, akavwala mapambo ga zahabu swafi kula tsi ya Ofiri.

Isaya 21:16

Mana Mwenyezi Mlungu waniambira hivi, “Kahi ya mwaka mmwenga, dza viratu muhendi wa kazi achiyehewa kandarasi, nguma ya Kedari indasira.

Ezekieli 27:21

Warabuni na vilongozi osi a Kedari kala ni agulio. Aho akukakanizira ana ngʼondzi, maturume na ndenje.