Sonono za Jeremia 5:6 - Digo Bible

⁶ Hukaagolosera mikono Amisiri na Aashuru ili huphahe chakurya cha kukola.

Sonono za Jeremia 5:6 ပူးပေါင်းရင်းမြစ်များ

Mwandzo 24:2

Burahimu wagomba na mtumishiwe mvyere wa osi pho phakpwe kaya ambaye kala ndiye muimirizi wa malize zosi achimuamba, “Ika mkpwonoo tsini ya nyonga yangu.

2 Afalume 10:15

Na Jehu ariphouka hipho, mo njirani wakutana na Jehonadabu mwana wa Rekabu, ariyekala aredza akutane naye. Jehu wamlamusa, chisha achimuuza; “Dze, u muaminifu kpwangu, dza nrivyo muaminifu kpwako?” Jehonadabu wamjibu achiamba, “Ehe.” Jehu achimuamba, “Ichikala ni kpweli, nipha mkpwono.” Achimupha mkpwono na Jehu achimpandiza ndani ya gariye.

Isaya 57:9

Waphiya kpwa Moleki na mafuha ga zaituni, uchienjereza marashigo. Uchihuma ajumbeo aphiye kure, na uchidzitsereza sana hadi kuzimu.

Jeremia 2:18

Vino munaphaha fwaida yani kpwa kuphiya Misiri kpwendanwa madzi ga muho Naili? Ama munaphaha fwaida yani kpwa kuphiya Ashuru kpwendanwa madzi ga muho Yufurati?

Jeremia 2:36

Mbona unadengereka sana na kugaluza njirazo? Undatiywa waibu ni atu a Misiri dza urivyohendwa ni atu a Ashuru.

Jeremia 50:15

Ipigireni kululu za viha chila uphande, iyo ikakubali kuturywa kutaze zikavundzwa na kubwagbwa mana Mwenyezi Mlungu andadziriphiza. Iriphize chisasi, dza vyo irivyohendera anjina.

Sonono za Jeremia 4:17

Matso gehu gakaremwa kuphelephesa, kpwa kulorera msada ambao tahuuphahire; kula mwehu minarani hwarorera, taifa risiroweza kuhuokola.

Ezekieli 17:18

Iye wabera chirapho na achivundza chilagane. Kpwa kukala wakubaliana naye hata achilavya mkpwonowe, ela achihenda mambo gosi higa, iye kandatiya.

Hosea 12:1

Atu a Efuraimu ni dza mutu adzirisaye phepho, ni dza mutu asindaye kuzoresa phepho ra mlairo wa dzuwa. Akaenjereza handzo na kuhumira mabavu. Anaika chilagane na Ashuru, na kuphirika mafuha ga zaituni Misiri.

Hosea 5:13

Aefuraimu ariphoona ukongo wao, na atu a Juda ariphoona vironda vyao, Aefuraimu aphiya tsi ya Ashuru, achendavoya msada kula kpwa mfalume mkpwulu. Ela iye kaweza kukulagulani, wala kukuphozani vironda vyenu.

Hosea 7:11

Atu a Efuraimu akakala azuzu dza njiya asiokala na dzuphi. Mara anaendza msada kula Misiri, kano kula Ashuru.

Hosea 9:3

Taandakala tsona kahi ya yo tsi ya Mwenyezi Mlungu. Aefuraimu andauya Misiri, andarya chakurya chiricho najisi hiko tsi ya Ashuru.