Sonono za Jeremia 5:2 - Digo Bible

² Urisi wehu ukahewa ajeni, nyumba zehu zikalaviwa kpwa ajeni.

Sonono za Jeremia 5:2 ပူးပေါင်းရင်းမြစ်များ

Zaburi 109:11

Hiye ariyemuaphasa naedze ahale vitu vyosi arivyonavyo, ajeni naedze abanange matunda ga jashore.

Isaya 1:7

Tsi yenu ikasala bila chitu midzi yenu ikatiywa moho. Minda yenu inahalwa na kubanangbwa ni ajeni kuno enye munalola.

Isaya 5:17

Alafu ana ngʼondzi andarisa avi ni phao marisani, ndama na ana mbuzi andarisa magandzoni.

Isaya 63:18

Atuo atakatifu amiliki phatupho phatakatifu kpwa muda mchache, ela vivi maadui gehu gakavyoga-vyoga phatupho phatakatifu.

Jeremia 17:4

Indabidi muiangamize yo tsi niriyokuphani dza urisi wenu. Nami ndakuhendani muahumikire maadui genu kpwenye tsi msiyoimanya, mana mkalamusa tsukizi zangu ambazo zindaaka dza moho hata kare na kare.”

Jeremia 6:12

Nyumba zao zindahewa atu anjina, minda yao na achetu aho dza vivyo, mana nindagolosa mkpwono wangu kuapiga nyo asagalao tsi hiyo, mimi Mwenyezi Mlungu nkaamba.”

Ezekieli 7:21

Nami ndaulavya zewe kpwa ajeni, yani atu ayi sana a tsi, nao andaunajisi.

Ezekieli 7:24

Nindahenda taifa ranjina iyi sana rihale nyumba zao; nindasisa kudzikarya kpwao na mwatu mwao mtakatifu mundatiywa najisi.

Hosea 8:7

Kpwa kukala aphanda phepho, andavuna chikulukulu. Mimea yao taindavyala bii kpwa vivyo taindaavyarira chakurya. Na hata ichivyala, chisha indariwa ni ajeni.

Hosea 8:8

Atu a Iziraeli andamizwa ni mataifa ganjina, aho ni chitu sicho mana dza chidzaya.

Zefania 1:13

Utajiri wao undahalwa zewe na nyumba zao zindabomolwa-bomolwa. Andadzenga nyumba ela taandazisagala, andaphanda mizabibu ela taandanwa uchi wa mizabibu hiyo.”