Sonono za Jeremia 3:40 - Digo Bible

⁴⁰ Nahupime na kuchunguza njira zehu, na humuuyire Mwenyezi Mlungu!

Sonono za Jeremia 3:40 ပူးပေါင်းရင်းမြစ်များ

2 Nyakati 30:6

Ahumwa kula kpwa Hezekiya na akulue aphiya chila phatu hiko Iziraeli na Juda, sawa-sawa na amuri ya mfalume yokala ikaandikpwa baruwani ziambayo, “Mwi atu a Iziraeli, muuyireni Mwenyezi Mlungu, Mlungu wa Burahimu, Isaka na Iziraeli naye aphahe kuauyira mwimwi muriosala na muriotiya kula kpwa mikono ya mfalume wa Ashuru.

2 Nyakati 30:9

Kpwa mana muchimuuyira Mwenyezi Mlungu, ndugu zenu na ana enu andaonerwa mbazi ni hinyo arioahala mateka nao andaweza kuuya tsi hino. Kpwa mana Mwenyezi Mlungu, Mlungu wenu ndiye mwenye rehema na mbazi. Namwi mchimuuyira, iye kandaenderera kukuzirani.”

Zaburi 119:59

Nikaririkana njira zangu, nami nkagaluza nyayo zangu kulunga malagizogo.

Zaburi 4:4

Mchitsukirwa, msihende dambi. Wakati mkadziambalaza mwenu vitandani garirikaneni gaga na mnyamale.

Isaya 55:7

Mutu mui naariche uyiwe, na mutu asiye na haki naariche maazoge mai, amuuyire Mwenyezi Mlungu, naye andaonerwa mbazi. Naamuyire Mlungu wehu, naye andamswamehe tsetsetse.

Ezekieli 18:28

Kpwa kukala andaririkana na kuricha uyiwe ariouhenda kpwa kpweli andakala moyo, kandafwa.

Hosea 12:6

Kpwa hivyo kpwa msada wa Mlungu wenu, muuyireni, onyesani mendzwa na muhende ga haki. Mkuluphireni Mlungu chila wakati.

Hosea 5:15

Chisha nindauya kpwangu makaloni hadi ndiphogaya kpwa ajili ya dambi zao na kukubali makosa gao. Nao andaniendza, kahi ya kugaya kpwao, andaniendza kpwa chadi.

Hosea 6:1

“Hebu ndzoni humuuyireni Mwenyezi Mlungu, mana wahumwamula-mwamula ela andahuphoza. Akahupiga hata akahutiya vironda, ela andahufunga mademu.

Mahendo 26:20

Mwandzo nákpwendahubiri mudzi wa Damasikasi, alafu nchiphiya Jerusalemu na Judea yosi, chisha nchendahubiri kpwa atu asio kala Ayahudi nchiamba, ‘Tubuni dambi na mumgalukire Mlungu, na muonyese na mahendo genu kala mwagaluka kpweli.’

1 Akorintho 11:28

Phahi chila mutu ni lazima adzipime mwenye kpwandza, ndipho arye mkpwahe na anwe uchi wa zabibu,

1 Akorintho 11:31

Ela huchidziamula sawa-sawa swiswi enye, tahundaamulwa ni Mlungu.

2 Akorintho 13:5

Dzilauleni mwimwi enye mmanye ichikala kpweli muna kuluphiro. Dzipimeni enye. Dze, tammanya kukala Jesu Masihi a phamwenga namwi? Ichikala si hivyo, phahi mkashindwa.

Kumbukumbu 4:30

Ndiphophaha tabu na bada ya kufikpwa ni mambo higa gosi, mwishirowe mundamuuyira Mwenyezi Mlungu, Mlungu wenu na kumphundza.