Sonono za Jeremia 3:17 - Digo Bible

¹⁷ Moyo wangu ukafutwa amani, nikayala kufwahirwa ni utu wani.

Sonono za Jeremia 3:17 ပူးပေါင်းရင်းမြစ်များ

Mwandzo 41:30

Bada ya iyo, kundakala na miaka sabaa ya ndzala, ndzala kulu hata yo miaka ya shibe iyalwe ko tsi ya Misiri. Ndzala iyo indaiangamiza tsi.

Ayubu 7:7

Tambukira kukala maisha gangu ni mphuye tu, mutu mimi sindaona manono tsona.

Zaburi 119:155

Wokofu u kure na atu ayi, mana aho taaendza shariyazo.

Isaya 38:17

Kpwa kpweli kala nateseka kpwa fwaida yangu Ukanitivya na kaburi kpwa mendzwayo kpwa kukala ukaniswamehe dambi zangu.

Isaya 54:10

Dzagbwe myango indasumbiswa na vidzango vindauswa, ela sindaricha kukuonyesa mendzwa yangu isiyosika, chisha sindavundza chilagane changu cha kukala ndakupha amani,” Mwenyezi Mlungu aambavyo.

Isaya 59:11

Swiswi hosi hunanguruma dza dubu, na hunaula dza njiya kpwa sonono, hunalonda haki ela taipho, hunalorera wokofu, ela u kure naswi.

Jeremia 12:12

Dzulu ya myango ko jangbwani aolagadzi andakpwedza mana upanga wa Mwenyezi Mlungu undaangamiza atu kula mwandzo hadi mwisho wa tsi. Taphana ndiyekala salama.

Jeremia 14:19

Dze, Juda ukarema tsetsetse? Dze, moyoo ukatsukizwa ni Sayuni? Kpwa utu wani ukahupiga vino hata tahuweza kuphola? Hwatazamiya amani, ela tahuyionere, hwatazamiya kuphola, badalaye hwaphaha vitisho.

Jeremia 16:5

“Mana Mwenyezi Mlungu anaamba, ‘Usiinjire nyumba za mahanga, ama kpwendasononeka nao ama kuaonyesa mbazi, kpwa kukala nikausa amani yangu, mendzwa yangu isiyosika na mbazi kula kpwa atu aha.

Jeremia 8:15

Hwaendza amani, ela tahuyaiphaha, wakati wa kuphozwa, ela chokalapho ni kuogofyerwa.

Sonono za Jeremia 1:16

Ndiyo mana ninarira, namwagikpwa ni matsozi mana wa kuniphoza marenda a kure nami, takuna wa kunitiya moyo. Anangu akarichwa a weche, mana adui akaniturya.”

Zakariya 8:10

Mana kabila ya wakati hinyo, kala takuna kazi yenye maripho, kpwa ajili ya mutu wala nyama. Chisha takuyakala na usalama kpwa yeyesi ainjiraye wala atulukaye kpwa sababu ya maadui, nami namuhenda chila mmwenga amgalukire myawe.