Sonono za Jeremia 2:9 - Digo Bible

⁹ Maryangoge gakadodomea mtsangani, akabananga na kubomola magbwamage ga kufungira, mfalumewe na akulue anasagala kahi ya mataifa. Alavyadzi-sadaka taafundza tsona shariya, na manabiige tagaona ruwiya tsona kula kpwa Mwenyezi Mlungu.

Sonono za Jeremia 2:9 ပူးပေါင်းရင်းမြစ်များ

2 Afalume 25:7

Halafu achiolaga anae mbereze, ye mwenye achimuombola matso, chisha achimfunga silisili za shaba, achimphirika Babeli.

2 Nyakati 15:3

Kpwa siku nyinji, atu a Iziraeli kala taana Mlungu wa kpweli, wala mlavyadzi-sadaka wa kuafundza, wala shariya.

Nehemia 1:3

Nao achinijibu achiamba, “Nyo atu ariotiya kutsamizwa kpwa lazima na kusala kahi ya jimbo ra Juda anagaya sana na akatiywa waibu, tsona nyo ukuta wa Jerusalemu wabomolwa-bomolwa na maryangoge gaochwa.”

Zaburi 74:9

Tahuona ishara zehu, takuna tsona nabii yeyesi na taphana amanyaye hali indakala hivi hadi rini.

Isaya 24:12

Mudzi ukakala gandzo, maryangoge gakavundzwa-vundzwa na kurichwa ndulu.

Jeremia 14:14

Naye Mwenyezi Mlungu achiniamba, “Nyo manabii analavya unabii wa handzo kpwa dzina rangu; siyaahuma, siyaalagiza wala kugomba nao. Anakuphani unabii wa ruwiya ya handzo, mburuga zisizo na mana na maazo gao ga handzo.

Jeremia 23:16

Mwenyezi Mlungu, Mlungu wa majeshi anaamba, “Musigagbwire go maneno ga unabii muambirwago ni nyo manabii, aho andakuhendani muinjirwe ni tamaa ya bure. Andagomba ruwiya achizoziaza enye, si ruwiya zilazo kpwa Mwenyezi Mlungu.

Jeremia 39:2

Iriphofika siku ya tisiya ya mwezi wa ne, mwaka wa kumi na mwenga wa utawala wa Zedekiya, ukuta wa nyo mudzi wabomolwa.

Jeremia 39:8

Nyo Akalidayo aocha dzumba ra mfalume na zo nyumba za atu na achibomola ukuta wa Jerusalemu.

Jeremia 51:30

Anajeshi a Babeli akaricha kupigana, nao akasala mwao ngomeni, mkpwotse wao ukaasirira, akakala dza achetu. Makalo gao ganaaka moho, magbwama ga maryango gao gakavundzika.

Jeremia 52:14

Jeshi rosi ra Babeli ambaro kala ri tsini ya ye mkpwulu wa arindzi a mfalume, ravundza-vundza kuta zosi zozunguluka Jerusalemu.

Sonono za Jeremia 1:3

Atu a Juda akalazimishwa kuphiya kure na kpwao kpwa sababu ya mateso na kuhendeswa kazi ngumu. Vivi anasagala kahi za mataifa, nao taaphaha phatu pha kuoya, osi anaomzoresa akamgbwira na kana phatu pha kuchimbirira.

Sonono za Jeremia 4:15

Atu aaririra achiambira, “Phaukeni mwi akolo; ukani! Ukani! Msihugute!” Kpwa hivyo achikala achimbizi na a kudengereka; atu a mataifa achiamba, “Taandaishi phamwenga naswi tsona.”

Sonono za Jeremia 4:20

Mfalume wehu, ye mmwagirwa mafuha wa Mwenyezi Mlungu, ariye mrindzi wa taifa rehu, wagbwirwa ni mihambo yao. Enye kala hukafikiriya kukala andahurinda na taifa rorosi phapha duniani.

Ezekieli 12:13

Nami nindatandaza nyavu yangu dzuluye naye andagbwirwa ni muhego wangu. Nindamphirika mudzi wa Babeli, urio tsi ya Akalidayo wala kandauona na andafwa kuko.

Ezekieli 17:20

Nindamtsuphira nyavu yangu naye andagbwirwa ni muhambo wangu. Nindamphirika Babeli nkamuamule kuko kpwa kusakala muaminifu kpwangu.

Ezekieli 7:26

Kundahendeka mafwa bada ya mafwa na uvumi undakala wa kpwenderera. Andaendza ruwiya kula kpwa nabii na taandaphaha; mafundzo ga shariya galaviwago ni mlavyadzi-sadaka na ushauri wa atumia undaangamika.

Hosea 11:6

Kundagbwa viha kpwenye midzi yao, vindavundza-vundza maryango makulu na magbwamage ga kufungira, na kubananga mipango yao.

Hosea 3:4

Mana nyo Aiziraeli andakala siku nyinji bila kukala na mfalume au chilongozi, bila sadaka, bila nguzo ya kuvoywa, bila chisibao wala chizuka.

Amosi 1:5

Nindavundza magbwama ga miryango ya Damasikasi, na kuusa mtawala wa Dete ra Aveni, agbwiraye fwimbo ya utawala ko Bethi-Edeni; na atu a Aramu andatsamizwa kpwa lazima aphirikpwe Kiri,” Mwenyezi Mlungu anaamba.

Kumbukumbu 28:36

“Mwenyezi Mlungu andakuphirika uwe na mfalumeo ndiyedzitsamburira, kpwenye taifa usirorimanya uwe wala akareo. Na hiko mundahumikira milungu yanjina ya mihi na mawe.

Kumbukumbu 28:63

Dza viratu Mwenyezi Mlungu vyohamirwa ni kukuhendani muongokerwe na kukuhendani mkale anji, ndivyo ndivyohamirwa kukubanangani na kukuangamizani. Iye andakuusani kpwenye tsi iyo ambayo myairisi.

1 Samueli 28:6

Ariphokpwendauza ushauri kpwa Mwenyezi Mlungu, ye Mwenyezi Mlungu kayamjibu kutsupira ndoso, wala kutsupira Urimu wala kutsupira manabii.