Sonono za Jeremia 2:19 - Digo Bible

¹⁹ Usiku wosi unuka mara kpwa mara, umririre Mwenyezi Mlungu! Mwaga moyoo dza madzi mbere za Mwenyezi Mlungu! Muunurire mikonoyo kpwa ajili ya uzima wa anao, ambao anahirika na ndzala kpwenye maganiko ga chila barabara.

Sonono za Jeremia 2:19 ပူးပေါင်းရင်းမြစ်များ

Ayubu 3:24

Mana migumi ikakala dza chakurya changu, kuula kpwangu kunasikirika dza madzi gamwagikago.

Zaburi 119:55

Usiku ninatambukira dzinaro, ee Mwenyezi Mlungu na kugbwira shariyazo.

Zaburi 134:2

Unulani mikono yenu kuelekeza phatu phatakatifu, na mumtogole Mwenyezi Mlungu.

Zaburi 141:2

Mavoyo gangu nagakale dza uvumba mberezo, na nikuunurirapho mikono yangu, nikubali dza ukubalivyo sadaka ya dziloni!

Zaburi 142:2

Ninammwagira malalamishi gangu na kumuambira tabu zangu.

Zaburi 142:3

Nivundzikapho moyo, uwe ndiwe umanyaye njira yangu. Himo njirani nitsupiramo, akanihegera mihambo.

Zaburi 28:2

Phundza mavoyo gangu, ninaphokuririra uniterye, na ninaphounula mikono kuloza phatupho phatakatifu.

Zaburi 42:3

Matsozi gangu gakakala avi ndicho chakurya changu usiku na mutsi chila wakati anaamba, “Akuphi ye Mlunguo?”

Zaburi 42:4

Mambo higa nagatambukira na kusononeka mwangu rohoni vira nrivyophiya na borori ra atu nchirilongoza kuphiya nyumba ya Mlungu kuno rinapiga njerejere na kumtogola, kpwenye ro borori ra atu ariphokala anasherekeya.

Zaburi 42:8

Mutsi Mwenyezi Mlungu nkulagiza mendzwaye, na usiku wirawe u phamwenga nami voyo kpwa Mlungu aniphaye uzima.

Zaburi 62:8

Mwi atu, mkuluphireni Mlungu wakati wosi, muambireni gosi garigo mwenu mioyoni. Mlungu ndiye chimbiriro rehu.

Zaburi 63:4

Nindakulika siku zosi za maisha gangu, ndakuunurira mikono yangu nikuvoye.

Isaya 26:9

Nafsi yangu inakuaza uwe usiku wosi, moyo wangu unakuendza kpwa chadi mana hukumuzo zikalapho duniani atu nkudzifundza haki.

Isaya 51:20

Anao akafwa purungire, akagbwa kahi ya chila pembe ya barabara, dza kulungu chiyegbwirwa ni nyavu. Mwenyezi Mlungu, Mlunguo akaatiya adabu kali kpwa tsukizize.

Jeremia 14:18

Nchiphiya ko mindani, naona nyo achioolagbwa na upanga! Na nchiinjira mo mudzini, naona ahirikao na ndzala! Manabii na alavyadzi-sadaka anazunguluka kahi ya yo tsi, nao taamanya ahendaro.’ ”

Jeremia 9:20

Mwi achetu, phundzani neno ra Mwenyezi Mlungu, na muhege masikiro musikire akaambadze. Afundzeni ana enu achetu kurira, na chila mutu afundze jiraniwe wira wa sonono.

Ezekieli 5:10

Kpwa hivyo ano baba andarya ana aho himo Jerusalemu na ana arye ise zao kpwa ndzala. Nindakutiyani adabu na nyo ndiosala nindaatsamula pande zosi.

Ezekieli 5:16

Ndakulatsani mivi ya ubanangi ya ndzala, ndailatsa ili nkuolageni. Na ndareha ndzala ya kpwenderera hadi chakurya chisiphahikane kpwa urahisi.

Mika 1:16

Nyolani nyere zenu kpwa sababu ya sonono kpwa ajili ya ana enu anaokuhendani mkale na raha, dzihendereni chiphala dza tai mana ana enu andauswa aphirikpwe tsi ya ujenini.”

Nahumu 3:10

Ela gago tagayaokola chitu. Thebesi yatekpwa na atue achitsamizwa kpwa lazima. Ana aho atsanga abundwa na photsi, phenye mawe hadi achifwa kpwenye maganiko ga nyo mudzi. Vilongozi a nyo mudzi afungbwa silisili, na go maadui gao achiaganya kpwa kuapigira kura.

Mathayo 14:25

Wakati wa dzogolo ra kpwandza kuika, waalunga anafundzie kuno ananyendeka dzulu-dzulu ya madzi.

Mariko 1:35

Siku ya phiriye, chimirimiri kabila ya atu kulamuka, Jesu watuluka achiphiya phatu kanda macheye achendavoya.

Mariko 13:35

Atumishi taamanya mchina-nyumba andauya rini. Inawezekana andauya dziloni, usiku wa manane, pepho za kucha au ligundzu. Phahi dzimanyirireni!

Luka 6:12

Siku mwenga Jesu waphiya gambani kpwendavoya Mlungu. Wakala kuko usiku kucha kuvoya.

1 Timothi 2:8

Phahi, nalonda alume osi a chila phatu avoye Mlungu moyo kutsuka. Na wakati wa kuvoya Mlungu, aunule mikono isiyo na lawama na akale bila ya tsukizi wala malumbano.

Aamuli 7:19

Phahi Gidioni na hara anajeshi gana mwenga ariokala nao aphiya phephi na yo kambi ya Amidiani usiku wa manane, wakati arindzi a usiku kala akagaluzwa. Gidioni na hara anajeshi ariokala naye achipiga magunda gao na achivundza nyungu zokala mwao mikononi.

1 Samueli 1:15

Hana wajibu achiamba, “Hata bwana wangu! Mino ni mchetu mwenye sonono kulu, sinwere uchi wa zabibu wala uchi wowosi, ela che namsemurira Mwenyezi Mlungu vyo nisononekavyo mu mwangu moyoni.

1 Samueli 7:6

Phahi akusanyika hiko Mizipa nao aheka madzi achigamwaga mbere za Mwenyezi Mlungu. Siku iyo afunga achiamba, “Hukahenda dambi mbere za Mwenyezi Mlungu.” Naye Samueli achiamula Aiziraeli hiko Mizipa.