Sonono za Jeremia 1:5 - Digo Bible

⁵ Avihae akamturya, nago maaduige gana ongokerwa, Mana Mwenyezi Mlungu akamuhenda ateseke kpwa sababu ya dambize nyinji, anae akahalwa mateka, ni mviha.

Sonono za Jeremia 1:5 ပူးပေါင်းရင်းမြစ်များ

2 Afalume 21:15

Ndaahendera higo gosi kpwa sababu akahenda mai phangu matsoni na kunireyeza hangu wakati akare aho ariphola Misiri hadi rero.”

Zaburi 80:6

Ukahuhenda hukale atu a kuberwa ni majirani gehu, maadui gehu ganahutseka.

Zaburi 89:42

Ukaapha ushindi avihae, ukahenda maaduige gosi gahererwe.

Isaya 22:5

Siku iyo Mwenyezi Mlungu, Mlungu wa majeshi andareha tabu, kuvyogbwa-vyogbwa na fujo kahi za Dete ra Ruwiya. Siku iyo kuta zindabomolwa na atu andaririra myango iaterye.

Isaya 63:18

Atuo atakatifu amiliki phatupho phatakatifu kpwa muda mchache, ela vivi maadui gehu gakavyoga-vyoga phatupho phatakatifu.

Jeremia 10:20

Hema rangu rikabomolwa, na mikowaye ikakatwa-katwa. Anangu akaniricha na taapho tsona taphana achiyesala kunichitira hema na kufunga paziya zangu.

Jeremia 12:7

Mwenyezi Mlungu anaamba, “Nikairicha nyumba yangu iriyo urisi wangu, Nindaatiya atu angu niamendzao mikononi mwa maadui gao.

Jeremia 23:14

Ela kahi ya nyo manabii a Jerusalemu nkaona utu wa kutsukiza aho nkuzinga na kulunga njira za handzo; nkuungana mikono na ahendao mai, hata phasikale na mutu wa kurichana na kuhenda mai. Kpwangu osi ni dza atu a Sodoma, na atu a Jerusalemu ni ayi dza atu a Gomora.”

Jeremia 39:9

Nebuzaradani, mkpwulu wa arindzi a mfalume achiahala mateka, nyo atu ariosala mo mudzini, nyo ariokala akadzisalimisha kpwakpwe na atu anjina osi achiphiya nao Babeli.

Jeremia 5:29

Dze, nsiatiye adabu kpwa mambo higa? Mimi Mwenyezi Mlungu nkaamba, na nsiriphize kpwa taifa dza rino?

Sonono za Jeremia 1:16

Ndiyo mana ninarira, namwagikpwa ni matsozi mana wa kuniphoza marenda a kure nami, takuna wa kunitiya moyo. Anangu akarichwa a weche, mana adui akaniturya.”

Sonono za Jeremia 1:18

“Mwenyezi Mlungu ni wa haki, mana nkakala wa kuasi nenore, ela phundzani mwimwi mataifa, lolani kugaya kpwangu. Ahana angu na asichana angu akahalwa mateka.

Sonono za Jeremia 1:8

Jerusalemu akahenda dambi sana, kpwa hivyo akakala najisi osi ariokala anamuishimu anamʼbera mana akaona chitsahache. Ye mwenye anaula na kufyula usowe kpwa waibu.

Sonono za Jeremia 2:17

Mwenyezi Mlungu akahenda ariropanga, akatimiza nenore dza arivyorigomba pho kare, akakubwaga bila mbazi akamuhenda aduio ahererwe, na kuapha nguma masujaa a avihao.

Sonono za Jeremia 3:46

Maadui gehu gosi ganagomba maneno ga kuhunyetera.

Ezekieli 9:10

Nami sindaasaza wala kuaonera mbazi, ela go arigohenda ndaahika enye.”

Ezekieli 9:9

Ndipho achiniamba, “Kosa ra atu a Iziraeli na Juda ni kulu sana, mana yo tsi ikaodzala aolagadzi na mudzi mzima tauhenda haki. Mana anaamba, Mwenyezi Mlungu akairicha yo tsi na kaona.

Kumbukumbu 31:29

Mana namanya nchifwa hakika mundaricha kuhenda manono na kuricha hira njira nriyokuamuruni muilunge. Na siku zedzazo mundaphahwa ni mambo ga kutisha mana mundahenda mai mbere za Mwenyezi Mlungu na kumtsukiza kpwa mahendo genu.”