Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sonono za Jeremia 1:21 - Digo Bible

21 Aho akasikira vyo niulavyo, taphana wa kuniphoza marenda maadui gangu gosi gakasikira kuhusu mashaka gangu, aho akahamirwa ni kukala ukanihenda hivyo. Rehe yo siku uriyotangaza, uahende dza vyo urivyonihenda.

အခန်းကိုကြည့်ပါ။ ကော်ပီ




Sonono za Jeremia 1:21
37 ပူးပေါင်းရင်းမြစ်များ  

Ela nriphodzikpwala, akusanyika kuno akahererwa, atu ayi nsioamanya adzikusanya chinyume changu, achinikatira bila ya kuricha.


Ela Mwenyezi Mlungu anamtseka hiye muhenda mai mana anamanya sikuye iredza.


Navoya tu usiriche maadui gangu gakanifyorera usiriche gakahamirwa kpwa kuona nkashindwa.


Mwenyezi Mlungu akasisa uwezo wa mfalume mui. Iye akavundza fwimbo ya utawala ya atu ayi.


Ariyepiga atu a mataifa ganjina na tsukizi nyinji, na mashaka gasigo na mwisho. Watawala atu a mataifa ganjina na tsukizi, na achiagayisa vivyo kpwa vivyo.


Kpwa hivyo osi akuryao andariwa na avihao osi andahalwa mateka. Ahalao zewe vituvyo, vyao navyo vindahalwa na nyo akuindzao nindaaindza.


Dze, Moabu, kuyamtseka Iziraeli? Kpwani wamgbwira na aivi, hata phophosi unasuka-suka chitswa chila ugombapho kumuhusu?


Dzagbwe munafwahirwa na kuhererwa, mwi muhalao vitu vya atu angu zewe, dzagbwe munatona dza ndama ichiyoona nyasi, na kurira dza farasi mwenye mkpwotse.


Ipigireni kululu za viha chila uphande, iyo ikakubali kuturywa kutaze zikavundzwa na kubwagbwa mana Mwenyezi Mlungu andadziriphiza. Iriphize chisasi, dza vyo irivyohendera anjina.


“Ihani atu ahumirao maha edze apige Babeli, osi awezao kulatsa. Chitani kambi kuizunguluka na musiriche hata mutu mmwenga akachimbira. Iriphizeni kulengana na mahendoge, ihendereni kulengana na vyo irivyohenda. Mana Babeli yamuhendera ngulu Mwenyezi Mlungu, Mtakatifu wa Iziraeli.


Mwenyezi Mlungu, Mlungu wa majeshi anaamba, mimi ni chinyumecho uwe mwenye ngulu, mana sikuyo ikafika, wakati wa kukutiya adabu.


“Mimi ndairiphiza Babeli na nyo asagalao kuko mbere za matso genu kpwa uyi ariouhenda ko Sayuni, Mwenyezi Mlungu anaamba.


Babeli ni iangamizwe dza viratu irivyoangamiza atu a dunia ndzima kpwa sababu yaolaga Aiziraeli.


Ndiyo mana ninarira, namwagikpwa ni matsozi mana wa kuniphoza marenda a kure nami, takuna wa kunitiya moyo. Anangu akarichwa a weche, mana adui akaniturya.”


Iye nkurira sana wakati wa usiku, matsozi gakajera mwakpwe mafundani. Kahi ya azembee osi taphana wa kumphoza marenda, asenae osi amsalata, aho akakala maaduige.


Uyi wao wosi nawedze mberezo atiye adabu dza urivyonitiya adabu kpwa sababu ya dambi zangu mana kuula kpwangu ni kunji nami nikafwa moyo.”


Njira ziphiyazo Sayuni ni tuphu mana takuna aphiyaye sikukuuni. Maryangoge gakakala gandzo, alavyadzie-sadaka anaula, asichanae anasononeka, na ye mwenye ana utsungu sana.


Jerusalemu akahenda dambi sana, kpwa hivyo akakala najisi osi ariokala anamuishimu anamʼbera mana akaona chitsahache. Ye mwenye anaula na kufyula usowe kpwa waibu.


Osi atsupao na njira anapiga makofi kpwa kukubera, anapigira mishoni ye mwana mchetu wa Jerusalemu na kusukasuka vitswa vyao. “Dze, uno ndio mudzi kala uchiihwa ukamilifu wa unono fwahiro ra dunia?”


Maaduigo gosi gananahula kanwa zao chinyumecho, ana kubera na kusaga meno na kuamba, “Hukamuolaga! Hino ndiyo siku ambayo kala hunaigodzera vino hukaiona!”


“Mwanadamu, kpwa sababu Tiro yafwahirwa ichiamba hivi kuhusu Jerusalemu, ‘Ryango ra mataifa rikavundzika, na miryangoye ikanivugukira. Kpwa vira Jerusalemu ikakala gandzo ndaongokerwa,’


Makundi-makundi ga atu ganagodza hiko Dete ra uamuli, mana siku ya Mwenyezi Mlungu kpwedza hiko Dete ra uamuli i phephi.


Vivyo arivyoahendera anjina, namwi muhendereni vivyo. Tsona naahenderwe kano mbiri ya gara mai arigoahendera anjina. Halani cho chikombeche mumtiire kano mbiri ya nyo ukali ariokutiyani.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ