Nahumu 3:15 - Digo Bible

¹⁵ Hata muhendedze mudzi wenu undaochwa na mwi enye muolagbwe kpwa upanga. Mwimwi mundaangamizwa dza viratu ndzije aryavyo mimea. Enjerezekani dza mabandzi, enjerezekani dza ndzije!

Nahumu 3:15 ပူးပေါင်းရင်းမြစ်များ

Isaya 66:15

Mana Mwenyezi Mlungu andakpwedza na moho, na magarige ga kuvwehwa ni farasi dza chikulukulu. Kpwa tsukizize, andatiya adabu atu na kuademurira na moho uakao.

Isaya 66:16

Mana kpwa moho na upangawe, Mwenyezi Mlungu andalavya uamuli chinyume cha atu osi, nao anji ni hara ndioolagbwa ni Mwenyezi Mlungu.

Jeremia 51:14

Mwenyezi Mlungu, Mlungu wa majeshi akaapa kpwa dzinare: Nindareha atu anji akuvamie dza ndzije uwe Babeli. Nao andapiga njerejere za ushindi dzuluyo.

Joeli 1:4

Mimea iriyosazwa ni ipho ra ndzije yariwa ni ndzije akulu, iriyosazwa ni ndzije akulu ichiriwa ni ndzije adide, iriyosazwa ni ndzije adide ichimarigizwa ni fumbiri.

Joeli 2:25

Nami nindakuuyizirani miaka yosi iriyoriwa ni ndzije angu anji nrioahuma kpwedzarya mimea yenu: yariwa ni maipho ga ndzije akulu na ndzije adide, na ipho ra ndzije anjina na fumbiri.

Amosi 7:1

Higa ndigo arigonionyesa Mwenyezi Mlungu. Námuona anaumba ndzije wakati mtalo wa mfalume wa nyasi kala ukakatwa kare na nyasi kala zikaandza kumera tsona.

Nahumu 2:13

Mwenyezi Mlungu, Mlungu wa majeshi anaamba, “Lola, mimi nchinyumecho. Magarigo ga kuvwehwa ni farasi ndagatiya moho. Barobaroo uchioakuluphira kpwa viha andaolagbwa na upanga. Kundahala tsona atu kpwa lazima au vitu kula phapha duniani. Na takundasikirika tsona sauti za ahumwao.”

Nahumu 3:13

Lolani nyo anajeshi enu akakala anyonje kahi-kahi yenu. Maryango ga tsi yenu ga mwaa kpwa aviha enu magbwama ga maryango gakasira kuphya na moho.

Zefania 2:13

Mwenyezi Mlungu andagolosa mkpwonowe chinyume cha vurini na kuangamiza tsi ya Ashuru. Andauhenda mudzi wa Ninawi ukale gandzo na tsiiye ikale kavu dza jangbwa.