Nahumu 1:14 - Digo Bible

¹⁴ Mwenyezi Mlungu akalavya amuri chinyumecho uwe Ninawi kuamba, “Kundakala na chivyazi cha kuendeleza dzinaro, ndausa vizuka vyosi kula mo nyumba ya milunguyo, vizuka vya kutsonga na vya kuyayusha. Ndakutsimbira mbira, mana kuna mana.”

Nahumu 1:14 ပူးပေါင်းရင်းမြစ်များ

2 Afalume 19:37

Siku mwenga wakati Senakeribu ariphokala anaabudu ndani ya nyumba ya Nisiroki mlunguwe, anae airi, Adirameleki na Sharezeri amuolaga kpwa upanga, halafu achimbira achiphiya tsi ya Ararati. Halafu mwanawe Esarihadoni achitawala badalaye.

2 Nyakati 32:21

Ndipho Mwenyezi Mlungu achihuma malaika ambaye wakpwendaolaga masujaa osi, akulu osi a jeshi na maofisaa osi hiko kambini kpwa mfalume wa Ashuru. Senakeribu wauya Ashuru na waibu. Naye siku ariphomenya nyumba ya mlunguwe, ana a kuavyala mwenye achimuolaga kpwa upanga.

Ayubu 18:17

Takuna ndiye mtambukira duniani, na dzinare tarindahadzwa mo njira-njira.

Zaburi 109:13

Atu a chivyaziche naangamizwe, dzinare na riyalwe kpwenye chivyazi chedzacho!

Zaburi 71:3

Kala mwamba na chimbiriro rangu, ngome ya nguvu ya kuniokola mana uwe u mwamba wangu na ngome yangu.

Kutsama 12:12

“Usiku hinyo-hinyo nindazunguluka tsi yosi ya Misiri, niolage ana avyere osi a chilume a anadamu na a nyama. Nindaitiya adabu milungu yosi ya Misiri, mana mimi, ndimi Mwenyezi Mlungu.

Misemo 10:7

Mwenye haki andatambukirwa na mahendoge manono, ela mutu mui andayalwa tsetsetse.

Isaya 19:1

Hino ni ruwiya kuhusu Misiri. Lola, Mwenyezi Mlungu aredza Misiri dzulu ya ingu riphiyaro mairo. Ndiphotsembuka, vizuka vya Misiri vindakakama na Amisiri andasirirwa ni nguvu kpwa wuoga.

Isaya 33:13

Chila mutu wa kure na wa phephi naedze alole nchivyohenda. Naedze alole uwezo wangu mkpwulu!

Jeremia 50:2

“Semani na mtangazire mataifa ganjina, unulani chibao mutangaze msifwitse chochosi, ela ambani: ‘Babeli ikahalwa mateka, Beli akagbwizwa haya, Merodaki anaogofyerwa. Vizukavye vikatiywa waibu.’

Danieli 11:21

Ye malaika achienderera kueleza achiamba, “Ye mfalume ndiye mlungira andakala mutu mui ambaye kana ishima ya kukala akale mfalume. Mutu iye andakpwedza bila atu kutarajiya naye andahala ufalume kuhumira ujanja.

Danieli 5:27

TEKELI, ukapimwa mizanini na ukaonekana ni mphepheya.

Alawi 26:30

Ndabananga mwatu mwenu mwa dzulu mwa kuabudu, nibomole mwatu mwenu mwa kufukizira uvumba, na kutsupha nyufu zenu dzulu ya vizuka vyenu visivyokala na uhai, nami nindakumenani kabisa.

Mika 5:13

Nindabananga vizukavyo vya kutsongbwa na milungu ya handzo ya nguzo iriyo kahizo. Nawe kusujudira tsona vitu urivyotengeza na mikonoyo.

Mika 5:14

Nindangʼola vizuka vya Ashera virivyo kahizo na kubananga midziyo.

Habakuki 2:10

Kpwa sababu ya kuolaga atu anji wairehera nyumbayo waibu na uchidzirehera mwenye maangamizi.

1 Samueli 3:13

Námuambira kukala ndaamula chivyaziche hata kare na kare, kpwa ajili ya uyi aumanyao, mana anae anikufuru ela iye kayaakanya.