Mika 6:15 - Digo Bible

¹⁵ Mundaphanda ela tamundavuna, mundaminya zaituni ela tamundadzipaka mafuhage, mundavyoga zabibu ela tamundanwa uchiwe.

Mika 6:15 ပူးပေါင်းရင်းမြစ်များ

Ayubu 31:8

phahi naniphande na wanjina arye, na mimea yosi ya mwangu mundani naingʼolwe.

Jeremia 12:13

Andaphanda mtsere ela andavuna miya andadziremweza bila kuphaha chochosi. Andaona haya kpwa cho ndichovuna kpwa sababu ya tsukizi za Mwenyezi Mlungu.”

Alawi 26:16

phahi nindakuhendani hivi: Nindakutiyani wuoga mkpwulu gafula, ukongo wa nyerenyere na homa ndirokuhendani vipofu na anyonje. Mundaphanda bure mana mavuno gandariwa ni maadui genu.

Alawi 26:20

Mundahumira nguvu zenu bure mana minda yenu taindalavya mavuno na mihi taindavyala matunda.

Amosi 5:11

Phahi kpwa sababu mkuonera achiya, na kuatoza kodi za mtsere, mwimwi mkadzenga nyumba za mawe ga kutsonga, ela tamundazisagala, mwaphanda minda minono ya mizabibu, ela tamundanwa uchiwe.

Habakuki 3:17

Dzagbwe mitini taitsephula, na mizabibu taina matunda, dzagbwe mizaituni taivyarire na minda taina mavuno, dzagbwe vyaa tavina mangʼondzi wala tavina ngʼombe.

Zefania 1:13

Utajiri wao undahalwa zewe na nyumba zao zindabomolwa-bomolwa. Andadzenga nyumba ela taandazisagala, andaphanda mizabibu ela taandanwa uchi wa mizabibu hiyo.”

Hagai 1:6

Mnaphanda kpwa unji ela munavuna chichache. Kurya munarya ela tammvuna. Kunwa munanwa ela tamuna uchi wa kutosha kualevya. Nguwo munavwala ela mnyevu munao. Mishahara munaphokera ela ni kama avi munaitiya mifuko yenye tundu.”

Johana 4:37

Mnamanya msemo uambao, ‘Mmwenga nkuphanda na wanjina akavuna.’ Nayo ni kpweli!

Aamuli 6:4

Aho kala achichita kambi zao chinyume chao, na kubananga mavuno ga tsi hadi mphaka wa Gaza. Nao Amidiani kala taarichira Aiziraeli chakurya chochosi wala mangʼondzi, ngʼombe au punda.